呢部 uMax120 嘅屏幕尺吋為 120 吋，是全球目前最大嘅液晶單屏尺吋。如果同電話平板嘅屏幕相比，呢部 uMax120 相等於 476 部 Le 1s 或者 77 部 iPad Pro 加埋一齊嘅大小。而屏幕的大小為 2693 x 1530 mm，Letv 在發佈會上稱，只有夏普 (SDP) 全球唯一十代線才能切割出 120 吋。另外，呢部 120 吋嘅 uMax 120 專為商務用途而設，其 4K 嘅解像度，比電影院嘅清晰度更高。另外，呢部 uMax120 能夠播放 3D 電影，並採用分時主動快門式技術，能夠比大部分嘅電影院有更高清嘅立體效果。
▲ 跟超級電視 3 X40 相比，就好似老豆拍住個仔咁，完全無得比。
▲ 同架單車比，淨係睇高度都未到 uMax2.0 嘅一半，可想而知部電視有幾咁高。
▲ 而 uMax120 嘅長度大約係兩個人手拉手、張開腿咁長。
至於色域方面，uMax120 能夠實現 117% 的畫面還原度，使色彩更鮮明，遠超家用投影機嘅色彩效果。另外，uMax 的亮度為 800nit，比電影院嘅亮度多 15 倍，能夠幫助還原更多細節，無論你係開住燈定熄左燈，都可以睇到足夠清晰度嘅畫面。除此之外，呢部 uMax120 採用了智能 4K 晶片 Mstar 6A928，並配備了 1.4GHz 四核心處理器及Mali-T760 四核心圖像處理器，並支持 60 幀 H.265 格式 4K 視頻硬解。不僅如此，uMax120 更配備了 3GB RAM 以及 32GB ROM，能夠幫助運行得更流暢。uMax120 將會運行 EUI 5.5 TV 作業系統，操作比較簡單。
呢部最世界最大的 3D 4K 電視 uMax120，建議零售價為人民幣 499,900 元，折合港幣約 HK $609,682。相信如果你唔係特別有錢，都唔會有興趣買呢部電視卦? 所以 Letv 話呢部電視主打商業用途其實係合理嘅，版主覺得，可能用喺商場用途有機會會更加適合。你覺得呢?