Apple Pay 是一種簡單安全的付款方式，只要你是銀聯卡的持有人，就能夠將你的銀聯卡加入指定的 Apple 裝置上，當中包括 iPhone 6s 系列、iPhone 6 系列、Apple Watch 等等。到時買野嘅時候，唔需要再左搵右搵你張信用卡，只要有部電話喺手，輕輕一觸就可以完成付款，而過程中 Apple 稱並不會泄露你張銀聯卡嘅詳細資料，因為呢啲資料並唔會儲喺你部 iPhone 、iPad 度，所以會好安全咁話喎。
▲ 以上裝置能夠使用 Apple Pay，服務包括 App 內支付以及店內支付。
使用 Apple Pay 第一步：添加信用卡至 Wallet
當然你要俾錢，唔係話有部 iPhone 或者 Apple Watch 就得，你嘅裝置上都要登錄左你的信用卡先得。而 iPhone 有個應用程式叫 Wallet，除左可以存放積分卡之外，而家仲可以存放埋你嘅信用卡。你只需要通過 iTunes 將你的信用卡添加至 Wallet，就可以使用。
▲ 首先透過 iTunes 添加信用卡至 Wallet，添加完你就可以正式使用 Apple Pay。
店內支付：iPhone
目前能夠支持店內支付的有 iPhone 同埋 Apple Watch。如果你係使用 iPhone 6s 系列或者 iPhone 6 系列的智能手機，只要你去嘅店舖有支持銀聯付款，咁你就可以享用 Apple Pay 的服務。由於 iPhone 6s 以及 iPhone 6 具備 NFC 的功能，去購物的時候連 App 都唔駛打開，亦都唔洗着住個芒，淨係需要將部手機放近非接觸式讀卡器上，再將手指放落 Touch ID 度，咁就可以進行支付。另外，你亦都可以在鎖屏嘅時候，輕觸兩下主屏幕按鈕進入 Wallet，快速進行購買。
店內支付：Apple Watch
如果你係用 Apple Watch 嘅話，仲簡單，連手機都唔洗拎出黎，要買野嘅時候，只需要輕按兩下 Apple Watch 側邊嘅按鍵，然後將錶面對住非接觸式嘅讀卡器，你隻錶就會震一下同埋會收到一聲提示，咁就表示已成功俾錢。
App 內支付：iPhone 以及 iPad
如果你平時中意網上購物的話，咁你就要特別注意了，因為 Apple Pay 的 App 內支付功能，或者能夠為你帶來更方便的支付方法。當你選擇好你想要嘅野，到俾錢嘅時候，你會見到有 Apple Pay 的標誌俾你選擇，只要選擇左 Apple Pay，將手指放到 Touch ID 上，就完成付款。有時候佢可能會要你輸入卡密碼，輸入左之後就能夠完成交易。
目前 Apple Pay 今次同銀聯的合作只限於在中國推出 Apple Pay，如果遲下 Apple Pay 黎到香港的時候，會唔會仲係用銀聯就未知，不過估計繼續用番銀聯的機會會頗大。但香港信用卡支付方式以 VisaPayWave 同 Master PayPass 比較主流，如果到時 Apple Pay 真係在香港用銀聯的話，Master 會唔會受到威脅呢?大家點睇?