▲ 呢個 UA HealthBox 內有三樣產品，包括 UA Band、UA Heart Rate 以及 UA Scale。
美國運動品牌 Under Armour 推出嘅 UA HealthBox，包含左三樣野，有 UA Band、UA Heart Rate 以及 UA Scale，配合手機應用程式 UA Record，讓你可以管理你的運動數據，改善你的睡眠、健康、活動等等。而家就為大家介紹一下 HealthBox 入面的「三寶」!
UA Band
咁 UA Band 其實係一條運動手環黎嘅，同一般的運動手環差不多，除左可以俾你隨時隨地戴住之外，仲可以監測你每日的活動、消耗以及睡眠的情況，讓你可以為自己訂立每日的目標，在手環上查看自己的進度。當你唔用手環的時候，顯示屏會關上，而當你正在運動的時候，顯示屏就會處於常開的狀態，方便運動員在消耗的時候能夠看到自己的狀況，跟 UA Heart Rate 配對後，更能在顯示屏上看到自己的心跳率。UA Band 的顏色是黑面紅底﹐並且有防水的功能。
▲ UA Band 採用黑面紅底的設計，顯示屏能夠顯示你的運動狀況以及心跳率 (需配合 UA Heart Rate)
▲ 外觀上同一般運動手環差不多，無咩太大特別。
UA Heart Rate
UA Heart Rate 係一個小型的心率監測器，配合胸帶以及可拆卸的傳感器，能夠幫助用家監測運動的劇烈程度，讓你能夠有一個更有效的訓練。簡單黎講，呢個 UA Heart Rate 的價值在於佢能夠準確的為你計算卡路里的消耗，配合 UA Record 的應用程式，UA Heart Rate 亦能夠讓你自訂你的 Heart Rate Zones。
UA Scale
UA Scale 其實係一個電子磅，採用了圓形的設計，中間部份會見到有個 Under Armour 的 logo 係度，而呢個磅係有點特別的，佢係一個能夠支持 Wi-Fi 功能的磅，磅上採用了玻璃設計，配合導電漆技術 (Conductive Paint Technology)，能夠讓 UA Scale 讀取體重及身體脂肪的百分比。而榜上會見到有個 LED 顯示屏，當你唔用的時候，佢會關上。UA Scale 能夠支持最多 8 個用家，跟 UA Record 應用程式進行同步，能夠讓用家看到體重的轉變。顏色方面，跟 UA Band 一樣，都是採用了黑面紅底的設計。
▲ 採用了黑面紅底設計，不過講真，個磅就咁放係地下架啫，個底咩顏色似乎唔重要吧?
▲ UA Scale 能夠讀取體重及身體脂肪的百分比。
值得留意嘅係，Under Armour 呢套 UA HealthBox，要跟手機連接，透過 UA Record 呢個 App 才可以發揮作用。雖然 HTC 跟 UA 有好深度合作，但 UA HealthBox 與 UA Record 其實支援任何品牌嘅 Android 手機及 iPhone，唔係 HTC 手機嘅專利。UA Health Box 建議零售價為 US $400，折合港幣約 HK $3100，目前只會在美國發貨，並在今年內會在全球開賣。唔知大家對呢套運動產品有無興趣呢?