銀通推出有 P2P 過數功能的 Jetco Pay 系統，目前有 12 間銀行將會參與，當中包括中國銀行 (香港)、交通銀行、東亞銀行、中信銀行 (國際) 、中國建設銀行 (亞洲)、花旗銀行、大新銀行、星展銀行、華僑永亨銀行、上海商業銀行、渣打銀行以及永隆銀行。
呢 12 間銀行會將呢個 P2P 過數功能放置喺自己本身的手機 App 上，只需要將手機號碼同銀行戶口綁定，set 番個密碼就可以成為用戶，轉賬果陣只需要輸入收款人嘅手機號碼同埋交易金額，就可以將筆錢過俾收款人，之後收款人會收到一個訊息，只需要 7 日內按「接收」，然後再輸入密碼，咁就可以完成整個交易程序，比用 ATM 或者 ebanking 更方便。如果收款人無喺 7 日內「收錢」，咁筆錢就會自動退番俾轉賬人，最重要係，成個過程係費用全免的!
不過要注意的是，呢個 P2P 過數功能係有限制的，用家每兩日計算，只能夠轉賬最多 HK $3000 的金額，所以只能夠進行細額交易。另外，上海商業銀行、中信銀行 (國際) 以及永隆銀行會率先喺第二季推出，而剩低果 9 間就仲未公佈推出時間，所以呢啲銀行嘅客戶暫時可以下載銀通特設用黎收款嘅 App 進行收款。唔知大家覺得銀通推出呢個過數系統方唔方便呢?
來源：蘋果日報