Tesla Motors 旗下的 Model S 電動房車由 2014 年 7 月開始就在港正式發售，去年交付量達到 2221 架，名副其實勁過「三個689」，難怪今日記者會現場會見到一部掛住「 TV 689」，意思「肯肯定」係「Triple-Victory 689」三倍勝利啦！ 咁對手比亞迪呢？ 綜合過往資料顯示，在港行走既電動的士只有不到 10 架，加埋幾部電動巴士，今次可以話車尾燈都見唔到！
Tesla 總裁馬斯克今日都現身香港，話香港係發展電動車方面支援比大陸政府好。講笑咁講，可能創科局局長之前又見過馬斯克真人，真係見過又取得政策共識掛～馬斯克都好識做，記者問佢做咩係香港呢個咁細既地方搞電動車，Tesla 嚴格黎講只係 startup 公司，呢個舉動係咪好冒險。 呢個總裁話自己 12 歲已經黎過香港，話感受到香港人好有活力、充滿正能量，覺得香港人會喜歡並接受電動車呢類高科技既新產品。
根據官方資料顯示，目前 Tesla 在港擁有 10 個充電站，合共 42 個 Superchargers 充電接口。 Tesla 官方好自豪咁話，係香港路面行走既電動車，有 7 成都係 Tesla 架！ 至於新車 Model X 發售時間，官方話要等到 2016 年下半年先有進一步銷售資訊。YK 仔係度召喚 Tesla 既車主，不如分享下你既用車經驗啦～