版主曾經聽過身邊親友提過，由於他在家中安裝了 IP CAM，只需透過手機 App 或者電腦軟件，就能夠觀看在線人數以及家中情況，但發現多次出現一種情況，就是在線人數居然不只一人，即係話除左佢自己，仲有其他人正在睇緊佢屋企，聽落去都好得人驚。而近日有網民稱發現了一個網絡漏洞，亦經 360 攻防實驗室技術人員測試確定，通過搜索網絡 IP 地址，即使不攻擊網絡，亦能夠在沒有任何阻攔的情況下，成功「入侵」多個 IP CAM，並可能造成 4 萬多個 IP CAM 存在泄密風險。
至於點樣減低被泄密的風險呢? 版主有以下的三招：
第一招：購買大品牌的 IP CAM
方法之一，當然是唔好為左慳果少少錢，就走去買啲山寨的 IP CAM 或者唔出名的 IP CAM。正所謂平野無好，如果因為慳左少少，俾黑客長期監視，值得嗎?
第二招：設置安全賬戶 + 定時升級
其次，根據技術人員表示，只要你為 IP CAM 設置安全賬戶，就可以對這種漏洞起到一定作用。當然，即使你設置左安全賬戶，都唔代表能夠百分之百唔會俾黑客入侵，只不過係增加入侵的難度而已。除此之外，你仲要定時升級固件，並且在唔使用的時候就遮住個鏡頭。
第三招：安裝不用網絡的攝像機
最後，這個是版主之前聽賣 IP CAM 的商戶講，最安全的方法，是安裝不用網絡的 CAM，即係插手指或者 SD 卡果種，攝像機會將影像直接錄製到 USB 中，咁樣就比較穩妥。但有得必有失，呢個方法雖然安全，但卻無辦法利用手機即時觀看家中情況，呢個亦都係一個缺陷。
以上三招並不代表方法的全部，也許網友們會有其他減低風險的方法。唔知大家有沒有曾經面對個這種情況呢? 你又怎樣解決?
來源：新華網