在 7-Eleven 提取／還機有個優勢係，便利店係 24 小時營業，有些網友平時可能工作時間不定，未必咁容易就到 Wi-Fi 蛋公司的營業時間，而家就可以解決這個問題。準備去旅行的網友們，由明日起只要在出發前大約四天的時間，預先透過 Wi-Fi Egg 網站預訂 Wi-Fi 蛋，並選擇提取及歸還 Wi-Fi 蛋的 7-Eleven 店舖，Wi-Fi 蛋到貨後你會收到 SMS 確認，然後大約在出發前一天的下午六時後，只要你去揀選左的 7-Eleven show 個 SMS 俾店員睇，就可以領取 Wi-Fi 蛋。而你番到香港之後，亦可以在指定時間內到所選的店舖歸還。
▲ 選擇你要去嘅地方、出發日期以及回港日期。
▲ 選擇提取方法以及還機方法，之後再填寫個人資料。
提供 Wi-Fi 蛋提取服務的 7-Eleven 有 180 間，提供歸還 Wi-Fi 蛋服務亦超過 300 間，方便去旅行前或者番黎香港後提取及歸還 Wi-Fi 蛋，可以慳番唔少時間。而 Wi-Fi Egg 亦會以日費形式收費，每日低至 $40 起，無限上網，並不算太貴。不知網友覺得，7-Eleven 今次同 Wi-Fi Egg 合作，有無方便到大家呢?
想知道更多 Wi-Fi 蛋租借詳情，請按這裡。