突發！壞消息！Spotify Premium 宣佈加價逾 20%！

左定坤 (Cho Ting Kwan) 2017-01-25 17:22 | 科技新知

平時最多人用的手機聽歌 App，相信應該係 Spotify，就連版主 Keith 都會用佢。版主 Keith 成日話，Spotify 音頻的壓縮技術係做得最好，就算佢用緊 HKBN 過左 5GB 被限速至 128kbps，用 Spotify 聽歌依然沒有問題。不過，Spotify 剛剛就突傳壞消息，表示 2 月起會加價。到底加左幾多呢？即刻睇下文啦！



就在剛剛，Spotify 突然宣佈，由 2 月 1 日開始，Premium 新會員的月費，將會由原來的 $48，增加至 $58，增幅超過 20%！不過咁，如果你本身用緊 Spotify Premium，去到 4 月 30 日之前，依然都仲可以享有 $48 呢個舊月費。但係如果 4 月 30 日之前取消左訂閱然後重新訂閱，唔好意思，你只能用新的價錢，先至可以享用 Premium 會員。對於平時用開 Spotify Premium 的網友，會唔會因為咁，而拒用 Spotify 呢？還是覺得，就算加價都依然係值得？