冷熱風都有 四季用到！「必買價」百幾蚊買到輕巧陶瓷暖風機

左定坤 (Cho Ting Kwan) 2022-02-05 17:20 | 科技新知

呢幾日天氣好凍，就算我唔出街，都 feel 到陣陣寒氣，唔知大家喺屋企，有無咩取暖嘅方法呢？我自己，因為好多時都坐喺床上工作，所以我會選擇用電暖墊，都幾舒服。如果大家都覺得呢排好凍，但屋企又無咩取暖方法，最近有大舖做緊優惠，百幾蚊就買到迷你陶瓷暖風機，又係相當抵玩之選！

說的是衛訊，尋日就同大家分享過，即日起至 2022 年 2 月 9 日，每日門市都會有一款產品減價，之前就有 $99 支持 PD + QC 3.0 快充 10000mAh 尿袋，又有 $39 Lightning to Type C 快充線，仲有 $139 買到價值約 $500 嘅真無線耳機。而今日，佢哋再推出 Machino H2 陶瓷暖風機優惠，由建議零售價 $298 減至 $169，喺呢啲天氣咁凍嘅日子，平平地百幾蚊買到部暖風機放書枱用，算係抵玩。

再者，呢部暖風機並唔係淨係得暖風，就算天氣熱，佢都可以有涼風輸出，變相其實百幾蚊買返嚟，四季都用得，你又會唔會即刻買返部呢？