▲ 用八達通結帳淘寳服務，只要你部手機有 NFC，用到八達通官方 App，都可以使用。
今日八達通宣佈，與淘寳網合作，以後大家在淘寳網或天貓購物，可以選擇以八達通付款。不過，當中都有些事要大家注意的。首先，大家要有一部支援 NFC 近場通訊的手機或平板 ( 即係只限 Android 啦），並下載最新的八達通官方 App，才可以使用。此外，每日最高付款額為 HK$1000，(單筆限額 HK$750) 即係只能用來買價值不高的貨品。當然，就要要付用貨物付合港幣 1.5% 的服務費。
▲ 特別版的八達通，靚嗎？
▲ 淘寶付費一項，會多了「八達通」
▲ 進入後，你會見到一組 QR Code。
▲ 八達通的手機 App，亦有 Payment Code 的項目，點進去，用來 scan 淘寶的 QR Code。
▲ 之後，把你已登記的八達通，在手機的 NFC 晶片位置，拍一拍就可以了。
▲ 用家亦可以在八達通 App 睇到交易紀錄。
收費抵唔抵?
香港人在淘寶 Shopping，先唔計你有方法用人民幣付款至「支付寶」，或個別銀行，如中銀香港、Aeon 信用卡的充值支持寶。以港幣結算為例，相信大家會用 PPS、信用卡或者去 7-11 買支付寶購物卡。在 7-11 買購物卡，匯率是 1.32，即 HK$132 換人仔一百蚊 （18/2/2014 匯率)，有人民幣100、200、500 及 1,000元四種面值，唔係好靈活。PPS 與八達通也是即時付款，不用充值，不過就有手續費了，但所謂手續費，其實在付款時已一清二楚。版主作了一個實測，在淘寶買一件人民幣 11 元的貨，用香港信用卡支援，要收人民幣 $11.33，以 Google 匯率計算，即約 HK$14.4。PPS 付款收費為 HK$14.31 (已計算手續費)；以八達通付款收費為 HK$14.30 (已計算手續費)；以支付寶購物卡今日購入價折算；即是約 HK$14.52。由此可見，八達通收費，其實係三種以港幣結算及網上 Payment 中最抵。此外，八達通付款，每日最多一千蚊，方便你買不是太大價值的貨品。當然，大前提你係要有 NFC 手機啦。
以十一元人民幣貨品作計算
| 7-11 淘寶購物卡 | VISA | PPS | 八達通 |
| HK$14.52 (*) | HK$14.4 (#) | HK$14.31 | HK$14.3 |
(*) 以 18/2/2013 7-11 賣價 $132 ＝ 100 人民幣計算
(#) 以 Google 即時換算計算