電子鎖有幾方便，只要你用過就知返唔到轉頭，因為真係省卻無帶又或者唔見鎖匙嘅煩惱，如果你都有試過無門口入要等人救的話，又或者掉轉嚟講救人入屋，等人救同救人嗰個都好慘。早於未流行電子鎖嘅年代，當時獨居嘅筆者，就試過因為阿爸阿媽去咗自己屋企渡假幾日，但阿妹慣性以為屋企有人而無帶鎖匙，需要我呢個阿哥深夜由屯門出去荔枝角幫手開門，當時筆者仲同老豆飲緊啤酒睇緊世界盃直播賽事，真係人都癲……
隨著近年電子鎖係香港愈來愈普及，價錢亦愈趨相宜，筆者早於三年前已經開始用緊電子鎖，本身用緊 Yale YDM3109 電子鎖，用咗一段時間之後發覺屏幕接觸比較遲鈍，同埋電池消耗也愈來愈快，感覺開始「時日無多」，於是自己做了一些資料搜集加上問下身邊朋友有咩推介，最後換咗Lockly 呢把 Vision Lux PGD898，用咗差不多一個月，用落感覺有咩唔同？等筆者係度同大家分享下。
點解會買咗呢把智能門鎖？
講到呢度，可能有人會問筆者，用了三年多的 Yale 電子鎖，為何不繼續用 Yale 而要轉會？我可以話你知，用咗咁耐其實Yale唔係差，原本都有諗住直接 upgrade上 Yale Luna Pro+，功能上應該要有嘅都齊哂，不過筆者去年年底行展覽時見到 Lockly 做展銷，親身摸過 Vision Lux PGD898，覺得比較下 Lockly 個鎖實淨啲，同埋試玩過 app 功能亦都好 User Friendly，可能係展覽個哥哥仔解說得好啦，聽佢講 Lockly Vision Lux PGD898 係結合咗摩打鎖 + 機械鎖功能，萬一個鎖唔好彩壞電子野，都唔會因為無電到摩打而鎖死咗道門，可以用返鎖匙出入先，唔駛爆鎖或者爆門。老實講呢一點筆者一路無仔細諗過，最終趁會場有即時優惠下入手咗呢把智能鎖，並且於一月初嘅時間安裝。
▲ 筆者之前所用的 Yale YDM3109 電子鎖
▲Lockly 安裝師傅先拆掉 Yale舊門鎖
▲重新開窿，師傅架生多，換鎖呢啲野都係唔好自己搞
▲ 鑽好位置，就準備安裝門鎖
▲裝完鎖之後，師傅會教你用埋個 app
▲會教你用一次入面嘅功能，好有耐性
▲大功告成！再試下個防偷窺密碼技術
不同開門方式 電話開門夠方便
筆者想換鎖嘅其中一個原因，就係想懶到連密碼都唔想撳，而 Lockly Vision LuxPGD898 提供5個方法俾你開門，除了最基本的鎖匙同拍卡之外，亦有品牌獨家Pin Genie® 防偷窺數字鍵盤技術，如果用密碼開鎖的話，每按一次鍵盤就會重新排列，就算你親友企係側邊睇住你撳，都估唔到係咩密碼，不過密碼開門呢樣野以前成日用，所以係指紋功能方面係最留意，Lockly 有自家的 3D 活體指紋感應技術，筆者用咗一個月都無咩問題，手指打平仰或打側放落感應器上，都好快辨認到好快開到門，官方話一定要係活體手指先可以感應到，有泥膠模具之類係唔會開到個鎖。而最後就係遙控開鎖功能，用跟機嘅 Hub 連接埋上網，裝咗 Lockly 個 App 就可以控制門鎖開關，如果有人撳你門鐘，個 App 會透過電話提示屋主，高清鏡頭亦都會同時啟動，就會見到門口係咩人撳你門鐘，如果係速遞的話，你可以用 App 即時通話叫佢放低又或者交返落管理處又得，如果係阿爸阿媽外父外母早咗到而又未返到屋企，又可以撳個掣即時開門俾佢入屋又得，唔駛焗住係走廊等你返嚟，安全性及便利性兼備。
另外仲有 OAC 一次性密碼技術同埋可以另外加設時限性密碼，方便俾鐘點工人或者外傭之類使用，唔駛俾自己嘅主密碼佢地，由於筆者只係同老婆兩個人住，暫時未有實玩過呢兩種功能，不過係安裝門鎖時，師傅已經好有耐性教哂我點樣做，基本上只要有個 App 就可以搞掂哂 set 指紋、密碼同拍卡等等嘅功能。
App內功能強大，中間圓形為開關門掣，亦顯示開關狀態，右上角是電量顯示，用了一個月還是100%
除了別人按門鈴，自己也可以隨時透過app去看門外狀況 Lockly012.jpg – 可翻查出入記錄
指紋最多可以 set 到99隻手指，如果成日要買餸一抽二秤的話，set多一隻就更加穩陣
指紋最多可以 set 到99隻手指，如果成日要買餸一抽二秤的話，set多一隻就更加穩陣
其他set密碼之類都係用app就可以做到哂
RFID卡都係，如果擔心指紋淺的話，拍卡入屋都係一個選擇8 粒 AA電 池推動
至於電源供應方面，8 粒 AA 電就可以推動呢把電子鎖，安裝師傅同我講用勁量、金霸王呢啲靚電可以用到 6-9個月，Depend on 你係咪成日開關、用 ap p睇鏡頭之類，無電個 app 同把鎖會提醒換電，唔好預到咁忟水先換電，萬一真係用到無哂電開唔到門的話，都可以落附近便利店，買粒 9V 電即時叉返起個鎖，入返屋企就要換電。
▲ 以 8 粒 AA 電去推動鎖體
▲ 如果就嚟無電，機背的 Lockly Logo 會閃紅燈提示
使用感受：鎖體硬淨 夠安全感
介紹完呢把鎖嘅一啲基本功能，之後就講下Feel，使用感受。綜合體驗 Lockly Vision Lux PGD898 給筆者的整體感覺係非常咁正面，首先最強烈嘅感覺就係嚟自開門，可能之前一路用開推拉式的開門方法，用返手柄開門嘅質感很好，當然有可能係因為新鮮感作祟，其實兩者各有方便。之後就係用料上嘅質感方面，如文章前段所講，筆者最喜歡就係鎖體嘅實淨同安全感，呢把Lockly Vision Lux PGD898 共有 5 個鎖頭，分為 1 個鎖舌、3 個平頭鎖與及 1 個反鎖鎖頭，鋼水實淨質量好，令人有安全穩陣嘅感覺，其他品牌筆者都有係街舖摸過上手，有啲外觀塑膠感比較重、鎖頭較輕感覺唔係幾夠安非他命感，筆者先戴返個頭盔，唔係話其他品牌唔夠安全，只係唔夠安全感，造工方面 Lockly Vision Lux PGD898 係幾足料嘅。換咗新鎖之後，唔好話唔駛帶鎖匙，連密碼都唔駛撳嘅感覺係爽嘅，同埋用App睇外面邊個係門口同開門，感覺上去到邊都可以開門，呢種感覺真係好鬼Free。同埋仲有一樣野，就係變相更加大條道理唔需要俾密碼俾門卡「長輩」，有時無啦啦失驚無神上咗嚟，真係會嚇到個心離一離！Anyway 個人係唔係屋企都好，直接開門俾佢入去就可以了，唔止安全感大增，仲大大提高咗「私隱度」。
Lockly Vision Lux 智能視像門鎖 (PGD898)
售價：$6,500查詢：https://hk.lockly.com/