華為 Watch Fit 3 設計時尚、輕薄
華為 Watch Fit 3 係一隻設計時尚嘅智能手錶，擁有 1.82 吋 AMOLED 全面屏，機身相當纖薄，只有 9.9mm，而重量也僅有 26g，鋁合金錶身搭配光滑金屬錶扣，第一印象確實美觀。同時，Watch Fit 3 的右側除咗有功能按鈕，上方仲會有旋轉錶冠設計，可以在應用主屏幕上放大或縮小，在應用清單上向上或向下滑動，甚至調節音量，你亦可以按兩下錶冠，在應用之間切換，就算手濕都可以繼續控制手錶屏幕。另外，Watch Fit 3 具有全新動態錶面可供選擇，包括自定義錶面以及風格錶面，只需旋轉錶冠就可以轉換唔同錶面。同時，Watch Fit 3 亦支持 Always On Display 常亮顯示，一拎起手就可以見到時間，但當然如果開咗 Always On Display，續航方面就會受到影響，大約為 4 天嘅續航時間，但如果關上 Always On Display 功能，續航則可長達 10 日，就算實際使用打個 7 折，一星期叉一次電，都唔過份。
▲ 1.82 吋 AMOLED 屏幕。
▲ 右側有旋轉錶冠同電源鍵。
▲ 機錶左側。
▲ 矽膠錶帶。
▲ 底部有磁吸充電位以及 Sensor。
▲ 可以另外加購不同的錶帶。
適合任何人士配戴，就算不運動也適用
對於平時比較少運動嘅我來說，除咗看時間，對我嚟講監測睡眠係最有用嘅功能，而呢啲功能基本上係一隻智能手錶必備功能，而 Watch Fit 3 具有睡前貼心服務，可以通過特殊嘅睡眠模式、白噪音、自然音景以及放鬆嘅音樂來清理用家思緒，令用家每晚都可以輕鬆休息。同時佢一如既往都會有全面嘅睡眠偵測功能，可以偵測心率、血氧、呼吸速率、潛在睡眠呼吸異常等等。而當你訓醒之後，更可查看睡眠評估，了解睡眠質量、睡眠建議，幫助用家改善睡眠。而對於平時有運動或者健身嘅用家嚟講，Watch Fit 3 內置 100 多種鍛煉模式，還有全新賽道跑步模式，使用手錶內置的 GPS 系統校準單圈距離並繪製跑步路線，同時亦支持 50m 防水功能，通過八項嚴苛耐用測試，並升級咗新一代嘅 TruSeen 5.5 系統，增強咗性能以及穩定性，SpO2 測量速度更快。就算係跑步或者運動時，都可以保持節奏，採用內置多通道模組和智能融合演算法，提供更準確嘅心率偵測，同時搭載高性能 PPG 感應器，可以及時警示潛在嘅房顫以及早搏風險。另外，Watch Fit 3 亦首次推出智慧運動建議，會根據用家習慣、天氣、活動環狀態，推薦喺一定時間內進行某種運動，養成健康習慣。
▲ 可配合 App 內影片跟着做運動。
▲ 可用於打電話，可在 App 內設定 10 個常用聯絡人，那就可以直接在 Fit 3 上打電話。
▲ 當然基本收通知的功能也會有。
▲ 功能菜單是這樣子。
▲ 有不同錶面可以切換。