$300 有找超強風扇仔 夏日必備
呢隻 Sakurada 櫻田手持風扇係由鵬勃電子有限公司 (Pengbo HK Limited) 代理，香港建議零售價為 $299，到底呢隻 $300 貨仔嘅手持風扇，有乜嘢特別呢？從外觀來看，呢隻手持風扇設計簡簡單單，米白色加橙色嘅配色，就咁外表睇落去，唔會感受到佢咁勁，但試玩過之後，發覺真係好強勁。從機身上看，你會見到有 2 個按鍵，上面嗰個係高速檔模式，而下面嗰個係低速檔模式，有趣嘅係，高速檔模式一定要長按住佢，先可以用到，唔撳住，一放手就用唔到；而低速檔則可以鎖定，只要長按之後放手，就可以使用低速檔模式，並且有三個風速可以選擇。而即使在低速檔模式使用時，長按「高速檔」的按鍵，你一樣可以切換到高速檔，但一放手，就會自動變回低速檔，有少少類似風筒嗰種設計。
有關呢部風扇嘅開箱 + 外觀，可以睇下面圖集睇真啲：
而關於呢部手持風扇嘅測試試玩，可以睇我試拍嘅 IG Reels：
查詢及鳴謝：鵬勃電子 (PengBo)