
乜嘢係 5G 家居寬頻?
講到 5G 家居寬頻呢個 Term,其實出現咗都一段唔短嘅時間,相信大家並唔陌生。所謂 5G 家居寬頻,簡單嚟講就係一部 5G Router + 5G SIM 嘅組合,插張 SIM 入去部 Router 度即可,以達至唔需要拉線,都可以滿足到全家網絡需要,而 Router 放邊都得,相當有彈性。不過,對於居住大埔嘅我來說,5G 曾經對我係好遙遠,因為剛剛推出 5G 服務嘅時候,大埔係未有 n78,但自從去年 10 月 3.5GHz 頻段解封之後,大埔嘅 5G 網絡出現咗好大變化。因此,今次嘅 TP-Link Deco BE65-5G WiFi Router 開箱評測入面,我就揀咗擁有全港最多 n78 頻寬嘅 CMHK 網絡商嚟測試 (因為版主自己本身都係用 CMHK),睇下配合呢部 WiFi 7 Mesh Router,可以帶來點樣嘅「化學反應」。

TP-Link Deco BE65 5G WiFi 7 Mesh Router 開箱
Deco BE65 5G 嘅包裝設計一如 Deco 系列嘅簡潔風格,打開盒子之後,入面內含 Router 本機、電源火牛、以太網線以及快速入門指南。路由器採用咗圓柱形設計,擁有白色啞光外殼,體積適中,美觀得嚟又唔佔空間,非常適合村屋或者多層家居嘅環境。 而機身提供嘅接口都相當齊全,包括有三個 2.5Gbps 端口、一個 USB 接口,仲有一個罕見嘅外部 5G 天線接口,顯示出呢部 Router 嘅高端定位。
▲ Deco BE65-5G 包裝盒。

▲ 側邊有 Router 接口的圖示,包括有 3 個 2.5Gbps WAN/LAN 接口、電源鍵、USB 插口等等。

▲ 並且會展示跟機有乜配件。

▲ 另一邊會有少少呢隻 Router 嘅規格 / 賣點資料。


▲ 包裝盒外層係就咁由下至上推出嚟。

▲ 全新未開封會有張咁嘅膠紙。

▲ 摵走膠紙會見到入面有實機嘅頂部。

▲ 有 LAN 線同火牛。

▲ 有用嚟 reset 嘅針,同埋快速入門指南。

▲ 圓柱狀嘅設計。

▲ 頂部有 Deco 嘅圖標。

▲ 後方有 TP-Link 嘅字樣,仲有 3 個 2.5Gbps LAN 接口、電源接口同埋 USB 插槽。

▲ 底部會有 Reset 鍵同埋 Nano SIM 卡槽。

▲ 開始之前要先下載 Deco 嘅 App。

▲ 個名叫 TP-Link Deco。

▲ 同時當然要插入電源。

▲ 底部會有提示燈。

▲ 藍色代表已正常連接。

▲ 記得底部要插 SIM 卡,而我今次測試係用 CMHK SIM。
網速測試:n78 頻譜加持
大埔作為一個曾被限制 3.5GHz (n78) 頻段嘅地區,自解封後全港超過 9 成地區都以 n78 作為 5G 主頻,而 CMHK 係接有最多 n78 頻寬資源,使用 Deco -5G 時表現如虎添翼。不過順帶一提一點,雖然大埔已經解封咗 n78,但一般普通居屋,未必會需要用到家居寬頻,相反對於住村屋,平時光纖未必拉到線入屋嘅網友嚟講,5G 寬頻就更加實用。
▲ 版主住喺大埔某居屋中層單位,跟住佢啲指示放喺近窗邊嘅地方使用,下載速度為 167Mbps,而上載速度則為 50.9Mbps,呢個速度雖然都唔慢,但未發揮到呢部 Router 嘅威力。

▲ 魚角村村屋測試速度,我都無特登去特登搵特別快嘅地方,純粹係求其搵個地方測個速,咁先夠真實㗎嘛:下載速度有 324Mbps,而上載速度則有 93.2Mbps,相比起我住喺廿幾樓嘅中層表現,地面速度快唔少。

▲ 去到三門仔嗰邊嘅村屋,速度就偏慢一點,只有 106Mbps,說明 CMHK 要喺三門仔附近都要下多啲功夫去滿足住呢邊嘅人。

▲ Exactly 林村許願樹下面,下載速度有 296Mbps。

▲ 附近嘅球瑒就表現好厲害,下載速度接近 500Mbps。
TP-Link Deco BE65-5G 獨家特色
與市場上其他 5G SIM Wi-Fi 7 Router 相比,Deco BE65-5G 可謂「全港最全面」。以下是它的核心優勢:- 美國 Qualcomm 2.2GHz 四核心 CPU:穩定連接 200 台裝置,5G 下載不卡頓。
- 三頻 Wi-Fi 7 + Mesh 功能:支援與大量 Deco 型號混合 Mesh,完美覆蓋村屋或大宅。
- 3 x 2.5Gbps 端口:支援 2500M 光纖寬頻,即使將來搬家也能繼續使用。
- 市場唯一外接 5G 天線:可連接外部天線,增強窗邊或屋外的 5G 訊號,特別適合鄉郊地區。
- 市場唯一內置 USB 接口:插入 SSD 或 USB 手指,即可建立自家 Share Drive,方便文件共享。
- 獨家 Deco App:支援遠程監控和家長監護功能,隨時管理網絡。
全港最多 n78 頻段!CMHK x Deco BE65-5G 月費抵玩
Deco BE65-5G 搭配 CMHK 的「5G 寬頻 x 三頻 Wi-Fi 7 路由器」計劃,絕對是市場上最抵用的 5G 寬頻選擇。計劃詳情如下:
- 月費 $198,24 個月合約:合約結束後,Deco BE65-5G(價值 $3,499)直接歸用戶所有。
- 市場最多數據:500GB 全速數據,之後無限任用。
- 成本拆解:總費用 $198 × 24 = $4,752,扣除路由器價值 $3,499,實際網絡費用僅 $1,253,平均每月約 $52。
- 3 年保養:合約結束後仍可繼續使用,有壞換新。
