RingConn Gen 2 Air 定位為輕量版本好多人身上都有至少一樣智能穿戴裝置，有人會用手環，有人會用手錶，而如果想要一隻好輕身、無乜負擔嘅裝置，則可以考慮智能戒指。RingConn 今日宣佈在香港推出 Gen 2 Air 智能戒指，唔單止輕至 2.5g，而且續航力長達 10 日，更特別之處係，佢可以「戴套」，好好保護隻戒指，避免有時運動嗰陣被撞花。而到底呢款戒指賣幾錢，睇下文啦！
輕巧設計 + AI 健康引擎，日常監測零負擔
RingConn Gen 2 Air 定位為輕量版本，搭載 AI 健康引擎，支持心率、血氧、壓力、睡眠和活動全天候監測，仲有體溫偵測技術，能夠及時預警壓力或疲勞，讓你及早休息調整。根據品牌資料多項測試顯示，其核心功能與高階型號表現接近，穩定可靠，適合日常佩戴。戒指採用不銹鋼物料，厚度僅 2mm，重量 2.5-4g，寬度 6.8mm，戴上手感覺超舒適，唔會有笨重感。提供 9 種尺寸（6 至 14），適合不同手指大小。
