智能路線規劃+導航升級，戶外唔怕迷路
呢款 T-Rex 3 Pro 最大賣點，就係加入咗智能路線規劃功能！用家只需預先下載全彩離線地圖，之後喺手錶 App 入面輸入方向同目標距離，或者選 POI 興趣點，系統就自動生成行山、跑步或單車路線。啟動導航後，若果偏離路線，手錶即時自動重新規劃，仲有屏幕轉向提示同語音提醒，減少要拎手機睇地圖嘅麻煩。比起上代，地圖顯示更精細，等高線清晰，迷路風險大幅降低。
雙色照明電筒+SOS 警示，提升戶外安全
為咗應付各種戶外突發情況，T-Rex 3 Pro 喺錶冠上方加咗白光同紅光雙色照明燈。最高亮度 300 流明，長按左上實體鍵就開啟，白光適合照明，紅光低干擾，適合夜間拍攝流星或觀察螢火蟲，唔怕影響生態。有需要時，仲可以切換 SOS 閃爍模式，發出明顯警示，增加被救機會。想像吓，頭燈壞咗或手機冇電，呢個小功能就救到你一命！
旗艦硬件設計，藍寶石屏幕+鈦合金耐用
硬件方面，T-Rex 3 Pro 有 48mm 同 44mm 兩款，48mm 用 1.5 吋 AMOLED 屏幕，44mm 係 1.32 吋，峰值亮度高達 3,000 nits，比 T-Rex 3 嘅 2,000 nits 光得多，就算烈日下、海邊或雪地，都清晰睇到資訊。屏幕升級藍寶石玻璃，硬度僅次鑽石，抗刮抗撞；錶圈用鈦合金，輕身又堅固。加厚抗撞結構+密封防護，支援高溫差、濕熱同塵沙環境。四個實體鍵+觸控屏幕，支持手套或濕手操作，戶外用超可靠！
180+ 運動模式，新增休閒潛水+ HYROX 合作
運動功能支援超過 180 種模式，包括跑步、越野、單車、游泳同 HYROX 體能挑戰！Amazfit 係 HYROX 官方夥伴，專為功能健身設計。新加休閒水肺潛水模式，10 ATM 防水+潛水認證，最深 45 米，顯示下潛速率、安全停留等指標。跑步訓練加咗垂直振幅、觸地時間、步幅等動態指標，結合心率區間、訓練負荷 (TE) 監測，數據更精細，幫你科學提升表現。
科學健康追蹤+Zepp Coach 個性化建議
健康監測用 BioTracker 6.0 PPG 感測器，全天追蹤心率、血氧、壓力同睡眠品質。新加 BioCharge 身體電量指數，整合睡眠、HRV、運動負荷同日間活動，評估身心狀態。若果偵測過度訓練，就發提示畀你休息。透過 Zepp Coach，得個性化訓練計劃同跑步建議，大數據分析幫你穩步進步。配合同廠 Helio Strap 智能手帶，數據精度更高，除錯更準！
超長續航+精準定位，長線挑戰無難度
定位用 6 衛星系統+圓極化天線，抗干擾更強，針對太陽輻射、烏雲等場景優化。48mm 電池 700mAh，日常用 25 天，重度 10 天，GPS 省電模式達 116 小時，夠晒應付多日越野跑或露營！比 T-Rex 3 更精細嘅耗能管理，軌跡準確又省電。多功能日常用，支援藍牙通話+音樂儲存
T-Rex 3 Pro 內置喇叭+麥克風，支援藍牙通話；32GB 儲存可以匯入音樂播放。Zepp OS 5 動畫流暢，一鍵啟動常用模式。Zepp App 支援 iOS 同 Android，同步 Strava、Relive、Apple Health 或 Google Fit，建立完整訓練檔案，仲支援無線控 DJI 或 GoPro 相機，相當實用。價錢+開售+限時優惠
Amazfit T-Rex 3 Pro 即日起香港推出，48mm 有戰術黑同黑金色，黑金色喺 TechLife by fortress 獨家優先發售；44mm 北極金同黑金色 11 月出。建議零售價 HK$2,898。9 月 15 日至 10 月 31 日，首 100 名買家免費換領價值 HK$536 嘅手錶支架充電座+ HYROX 錶帶，先到先得！不知網友又對呢款旗艦智能手錶感唔感興趣呢？