Theragun Prime（第六代）升級 3 米防跌 + 熱療功能
今次全新嘅 Theragun Prime（第六代） 可以話係全面升級，首先最吸引版主嘅，就係佢個超耐用機身！新機採用耐用橡膠材質包覆，並且通過咗 3 米高處撞擊測試，即係話就算唔小心由高處跌落地，部機都好大機會完好無缺，帶去健身房或者去旅行就更加放心啦！功能方面，今代更加入咗熱療功能，結合本身強勁嘅 16 毫米深層衝擊幅度，能夠有效觸及肌肉更深層組織，針對運動後酸痛同埋長期久坐嘅僵硬感，提供更快更有效嘅放鬆。佢提供五段速度調節，用家可以根據自己需要選擇唔同力度，加上 LED 指示列可以清楚顯示震動強度，使用起上嚟更加直覺。
續航力方面，Theragun Prime（第六代）配備高效能鋰電池，可以使用約 120 分鐘，並且採用通用 USB-C 充電，叉電非常方便。隨機附送兩款按摩頭，包括標準球按摩頭同減緩器按摩頭，適用於大部分肌群。
智能體驗亦都係一大賣點，新機支援藍牙連接 Therabody App，可以提供多款個人化恢復方案，並且可以同 Apple Watch、Garmin 與 Strava 等平台整合，根據你嘅運動數據自動生成建議。
同場加映：Theragun Mini Plus 便攜之選
如果覺得 Prime 太大部，咁 Theragun Mini Plus 可能更啱你！佢係品牌首款加入熱療功能嘅迷你深層按摩裝置，體積輕巧但動力強勁，結合衝擊治療與熱能加乘效果，可以更快促進血液循環。除咗熱療功能，Theragun Mini Plus 更可另購冷療按摩頭，可同時衝擊與熱能，針對僵硬肌群更深入的放鬆。Theragun Mini Plus 同樣支援藍牙連接 Therabody App，並且具備旅行鎖功能，避免喺行李中誤觸開機，好適合經常外出嘅人士。續航時間同樣達到 120 分鐘，並且採用 USB-C 充電，可以加配無線充電底座，使用更加方便。
其他新品：Mask Glo 光感修護面罩 & Sense（第二代）智能呼吸訓練裝置
除咗按摩槍之外，Therabody 今次仲推出咗兩款新品，包括 Mask Glo 光感修護面罩 同 Sense（第二代）智能呼吸訓練裝置。Mask Glo 採用臨床級 LED 三波段光療技術，以紅光、紅光配合近紅外光及藍光全面針對暗沉、細紋與痘痘問題進行深層修護。面罩內置多達五百零四顆醫療級 LED，可以為面部提供均勻覆蓋，協助促進膠原蛋白生成、改善膚色不均、減淡紋理及抑制細菌生長，讓肌膚逐漸恢復透亮光澤。Mask Glo 採用無線設計，面罩加入輕柔震動按摩，有助放鬆前額與頭皮壓力，提升整體舒適度，建議零售價 $2999。
而 Sense（第二代） 就係專為現代高壓生活設計嘅智能呼吸與冥想訓練裝置，配備 LCD 屏幕，提供四大內置引導程序，可以幫助用家快速釋放壓力、提升專注力並改善睡眠質素，建議零售價 $2299。