XREAL ONE PRO：隨身攜帶嘅私人影院
講緊嘅係 XREAL ONE PRO，佢最大賣點係搭載咗 Sony Micro-OLED 螢幕，官方宣稱可以將一個 171 吋嘅超大屏幕「收納」喺副眼鏡度。試諗下，無論你係搭緊長途飛機想追劇，定係喺屋企想瞓喺床舒服打機，戴上佢就有個私人巨幕，視覺體驗應該幾震撼，仲要唔使佔用屋企空間。除咗標榜大芒，XREAL ONE PRO 仲有 57 度超闊視野，並且支援原生 3DoF 影像穩定技術，強調畫面流暢同極低延遲，就算用嚟打機都唔怕好易頭暈。視覺之外，聽覺都好重要，呢副眼鏡仲有 BOSE 專業音效調校，畫質音質理論上都有一定保證。
衛訊開賣有優惠，門市仲有得試
至於價錢方面，XREAL ONE PRO 建議零售價係 $5,499。坦白講，呢個價錢唔算好平，但考慮到佢畀到你一個隨身帶走嘅 171 吋體驗，又似乎有佢嘅價值喺度。而家衛訊開賣做緊推廣，如果你用 DBS 信用卡，可以用「一扣即享」折扣 $100。另外，適逢新春，如果你喺 eShop 買，仲有賞滿 $1,688 減 $168 優惠，結賬時輸入優惠碼「HORSE168」就用得。
當然，呢類 AR 產品，我覺得單睇字面規格未必夠，最好都係親身試過先知啱唔啱自己，戴得舒唔舒服，個畫面係咪真係咁震撼。衛訊話門市有得試，大家有興趣不妨去戴上眼感受下嗰個 171 吋巨幕係點樣先決定。呢個價錢買個隨身巨幕，網友又點睇呢？