華為推 HONMA 聯名手錶 抽獎贏 $62,400 球桿套裝
今次華為聯同 HONMA 推出嘅「HONMA x HUAWEI WATCH GT 6 Pro 限量聯名」，建議零售價係港幣 $2,888。為咗隆重其事，佢哋搞咗個「腕間奢華:尊屬豪華大抽獎」。由即日起至 2026 年 4 月 30 日，只要你喺指定零售商或運營商，買咗呢隻聯名版手錶嘅香港原廠行貨，並且喺期內上網完成登記，就可以參加抽獎。獎品總值超過港幣 $70,000，當中大獎最誇張，只有 1 名，可以獨得一套價值 $62,400 嘅 HONMA Golf Club Full Set (Beres S-09 2 Stars, Men Set)！買隻錶分分鐘賺返二十幾倍，各位高球愛好者真係要留意下。
除咗大獎，二獎（3 名）係價值 $1,800 嘅 HONMA Boston Bag，三獎（10 名）係價值 $498 嘅 HONMA 帽。抽獎結果會喺 2026 年 5 月 8 日公佈。
HONMA x HUAWEI WATCH GT 6 Pro 規格功能
講返隻錶本身，既既然係同 HONMA 聯名，設計同功能當然係為高爾夫球手而設。佢以旗艦級 HUAWEI WATCH GT 6 Pro 為基礎，用上獨特嘅黑金配色設計，錶面係藍寶石玻璃，錶殼係航天級鈦合金，後殼就係納米晶陶瓷，用料相當紮實。屏幕峰值亮度仲去到 3000 nits，太陽底下睇都無問題。功能方面，佢搭載咗同頂級 HUAWEI WATCH Ultimate 同級嘅高爾夫球功能，覆蓋全球超過 17,000 個球場，提供 3D 彩色球道地圖、智能測距、果嶺判讀等等。最重要係佢有成 21 天超長續航，打幾場波都唔使擔心無電。
HONMA x HUAWEI WATCH GT 6 Pro 建議零售價：$2,888
推廣日期：即日起至 2026 年 4 月 30 日
有關登記抽獎詳情，可以睇返官方活動網頁。呢個價錢買到咁專業嘅高爾夫球錶，仲有機會博大獎，網友又覺得抵唔抵玩呢？