收費定免費？兩台分工你要知
根據公佈嘅安排，兩條頻道會有唔同嘅分工以滿足唔同觀眾需求：Now TV (收費平台)： 將會直播全部 104 場賽事，而且仲會提供 4K 解像度直播選擇，追求極致畫質嘅朋友要留意。
ViuTV (免費電視)： 會免費播放精選賽事，當中已經講明包括重頭戲——揭幕戰以及決賽，等更多觀眾都可以感受到大賽氣氛。
史上最大規模！破紀錄 104 場波
講到今屆世界盃，最大賣點一定係「大」！賽事破天荒由加拿大、墨西哥及美國三國聯合主辦，橫跨 16 個城市舉行。賽制方面亦迎來大改革，球隊數目增至 48 支，分為 12 個小組角逐，並新增設了 32 強淘汰賽階段。因為咁，今屆賽事總共會上演破紀錄嘅 104 場 賽事，比起以往嘅 64 場大幅增加，絕對係史上規模最大嘅世界盃！
關鍵日程：2026 年 6 月開波
FIFA 世界盃 2026 將會喺香港時間 2026 年 6 月 12 日揭幕，地點係墨西哥城阿茲特克體育場，由主辦國之一嘅墨西哥迎戰南非。而王者誕生嘅總決賽，就會喺香港時間 2026 年 7 月 20 日上演。$380 早鳥優惠點樣拎？
對於想睇晒 104 場嘅忠實球迷，Now TV 推出咗個「FIFA 世界盃 2026 賽事通行證」，建議零售價係港幣 $980。不過，版主梗係要提你拎著數啦！由即日起至 2026 年 4 月 24 日，有超值早鳥優惠。如果你係指定 Now TV、csl、1O1O、網上行、HKT 家居電話及 Club Sim 客戶，就可以用優惠價港幣 $380 訂購通行證，足足慳咗 $600，可以收看全部 104 場賽事。各位 HKT 用戶記得睇睇自己符唔符合資格啦！