曼谷發佈會現場直擊
版主今次好榮幸可以嚟到曼谷參加呢場名為 「Spark Your Vibe」 嘅新品發佈會。現場見到咁多外國媒體，氣氛非常熱鬧。發佈會入面最有趣嘅地方係展示設備細節嘅看台，完美咁展現咗智能手錶技術嘅細節。除咗之前介紹過嘅 WATCH FIT 5 系列之外，今次發佈會仲有幾款重量級嘅穿戴產品登場。
WATCH Runner 2 賽道傳奇版本
針對專業跑手，HUAWEI 推出咗 WATCH Runner 2 賽道傳奇。呢款錶以馬拉松精神同速度美學作為定位，加強咗數據分析能力，全新嘅單次跑力指數同訓練營看板功能，可以幫跑手精準咁掌握訓練節奏，喺賽道上突破自我。
金鑽版 WATCH ULTIMATE DESIGN
至於高端市場方面，HUAWEI 同著名珠寶設計師 Francesca Amfitheatrof 聯手打造咗 WATCH ULTIMATE DESIGN 星鑽綻放款。呢款錶以春日綻放做設計靈感，錶鏡用咗鑽切藍寶石玻璃，錶冠鑲咗天然鑽石，錶帶仲經手工鑲嵌咗 99 顆天然鑽石。功能上，佢支持 X-TAP 技術，60 秒就可以完成微體檢，仲特別為女性健康加入咗多囊卵巢同高血壓風險評估。
兒童智能守護 WATCH KIDS X1
對於小朋友，HUAWEI 亦都準備咗 WATCH KIDS X1 系列。呢個系列配備咗前後高清雙鏡頭，前置鏡頭有 110° 超廣角，配埋 1.82 吋 AMOLED 大屏幕。可拆卸同可旋轉嘅設計，加上有趣嘅拍攝功能，令小朋友可以隨時紀錄成長嘅快樂旅程。
三款新品都會係香港上市，但幾時賣及售價，就要再等等了。