旺區設點！Siam Paragon 中庭超有科技感
呢間 Pop-up Store 個位真係冇得頂，就設喺香港人去親曼谷旅行都必行嘅 Siam Paragon 裡面，非常就腳。成個體驗店設計充滿未來科技感，以簡潔嘅白色同埋華為標誌性嘅燈光作點綴。版主去到嘅時候已經見到人頭湧湧，唔少當地嘅科技迷、KOL 同埋粉絲都排住隊入去試玩新機，氣氛非常之熱鬧！上手試玩 Watch Fit 5：輕巧依舊、屏幕更靚
講到全場焦點，當然係啱啱發表嘅主角——Watch Fit 5 系列啦！店內特設咗一大張長枱，擺滿晒唔同顏色同錶帶材質嘅 Fit 5 俾大家任戴任試。版主喺現場終於可以親手戴上隻錶，第一感覺係依然保持住 Fit 系列一貫嘅輕巧纖薄，戴上手幾乎無乜負擔，非常貼手。今代個方形大芒明顯比上一代更靚、亮度更高，喺現場咁猛烈嘅射燈之下，屏幕顯示嘅色彩依然好鮮艷，字體亦睇得一清二楚。現場仲有工作人員示範最新升級嘅健康監測同埋運動模式，滑動操作嘅流暢度都抵讚，對於鍾意做運動或者想搵隻平靚正智能手錶嘅網友來講，真係幾有吸引力。
唔止手錶！同場仲有大量新機任玩
除咗 Watch Fit 5，呢個 Pop-up Store 亦都好似一個小型嘅華為全場景生態體驗館。場內劃分咗幾個唔同嘅區域，大家可以試到華為最新款嘅旗艦智能手機，親自感受吓佢強大嘅拍攝實力；另一邊又可以試下用華為最新嘅 MatePad 平板電腦配搭觸控筆嚟寫字畫畫。華為仲好識做咁喺場內佈置咗幾個靚靚打卡位，等大家試完機可以影相呃 Like。
