運動健康新體驗：HUAWEI WATCH FIT 5 系列
針對大家平時返工咁忙，HUAWEI WATCH FIT 5 系列今次首度加入咗微運動模式，入面有 30 組輕量動作，再配合得意嘅熊貓互動錶盤，等上班族可以用平時嘅碎片時間舒展下筋骨。機身設計方面，標準版嘅 HUAWEI WATCH FIT 5 重量得 27 g ，厚度 9.5 mm ，仲配備咗 1.82 吋嘅 AMOLED 屏幕，峰值亮度高達 2500 nits 嘅螢幕。如果追求更高規格，就可以考慮高階版嘅 HUAWEI WATCH FIT 5 Pro 。呢款手錶配備咗 1.92 吋嘅 LTPO 柔性 AMOLED 屏幕，採用 2.5D 藍寶石玻璃同鈦合金錶圈。最勁嘅係佢首度加入咗血糖風險評估功能，可以透過持續 3 至 14 日監測體徵數據，幫用家評估高血糖風險等級。另外，佢仲支援 ECG 心電分析、越野跑導航、全球超過 17,000 個高爾夫球場地圖以及 40 米自由潛水。喺輕量使用之下，成個系列嘅續航力可以高達 10 日， Pro 版更支援 60 分鐘無線快充，而且兼容 Android 同 iOS 系統。
珠寶級腕上藝術：HUAWEI WATCH ULTIMATE DESIGN 星鑽綻放
另一款備受矚目嘅就係 HUAWEI WATCH ULTIMATE DESIGN 星鑽綻放，呢款手錶係由 HUAWEI 攜手國際著名珠寶設計師 Francesca Amfitheatrof 聯合打造。錶帶設計跟足斐波那契黃金比例曲線，全隻手錶人手鑲嵌咗 99 顆天然鑽石。錶鏡就採用藍寶石玻璃，用微米級精密鑽切工藝打磨出 60 個切面同 180 條稜線，極具奢華美感。喺健康功能上，呢款手錶搭載咗 HUAWEI TruSense 系統同 X-TAP 技術，提供「一鍵微體檢」功能，等用家喺 60 秒之內就可以睇到 10 幾項健康數據報告。針對女性用家，佢仲加入咗多維情緒健康監測、智能生理週期預測同多囊卵巢風險評估等貼心功能。
新機開賣詳情同限定優惠
兩款全新產品由即日起正式喺香港開賣。 HUAWEI WATCH FIT 5 嘅建議零售價為港幣 $1,188 ； HUAWEI WATCH FIT 5 Pro 嘅定價就由港幣 $1,288 起（光織銀編織錶帶版售港幣 $1,288 ，冰川白及雅丹黑氟橡膠錶帶版售港幣 $2,188 ，而丹霞橙編織錶帶版則售港幣 $2,288 ）。至於最奢華嘅 HUAWEI WATCH ULTIMATE DESIGN 星鑽綻放，建議零售價為港幣 $33,888 。喺新機推廣期間，凡喺指定零售商同運營商購買全新 HUAWEI WATCH FIT 5 系列港澳原廠行貨，即可獲贈 HUAWEI FreeBuds SE 2 藍牙耳機同 HUAWEI 智能體脂磅。而購買 HUAWEI WATCH ULTIMATE DESIGN 星鑽綻放嘅用家，除咗可以獲贈 HUAWEI 智能體脂磅之外，仲可以享受到總值高達港幣 $9,998 嘅非凡尊享服務，當中包括兩年期 HUAWEI Care+ 、 2 年兩次星鑽守護同 2 年兩次煥新保養。