虛擬試穿 Try it On
呢個叫做「虛擬試穿」（Try On）嘅功能，係由 Google 專門為時尚服飾開發嘅 AI 圖像生成模型所驅動。用戶唔需要去實體店，只要上傳一張全身照，系統就會喺好短嘅時間內生成模擬圖，顯示件衫著喺你身上係咩樣。呢個功能支援上衣、下裝、連身裙同埋鞋履，仲打通咗 Google Search、Google Shopping 同 Google Image 三大平台，可以試穿 Shopping Graph 裡面數以十億計嘅服飾產品，選擇可以話係多到你眼花。今次我哋會用 Google Shopping 跟大家示範。AI 做咗乜
技術上，AI 模型能夠深層理解唔同布料喺唔同身形上嘅表現，包括摺痕、伸展同垂墜效果，仲會配合你上傳照片嘅姿勢嚟呈現，令效果更加接近真實試穿。試完之後，你可以儲存鍾意嘅造型、翻睇之前試過嘅款式，甚至 share 俾朋友問下意見。揀定咗想買，㩒一㩒「選購」掣，就會自動跳去商戶網站完成購物，相當方便。虛擬試穿功能喺香港推出，係 Google 用 AI 技術提升網購體驗嘅重要一步。以後喺香港買衫，再唔需要擔心件衫收到唔合身，因為你已經可以喺落單之前先「試」過先。
▲ 首先進入 Google Shopping try on 嘅頁面
▲ 下面有量時裝分類，例如版主揀了 Crew Neck Sweater
▲ 要試著嘅話，可以 upload 自己張相。不過，今次示範，我哋係 google image 入面，揾咗張林作嘅相。
▲ Upload 完之後，俾啲時間 AI 幫你試衫。
▲ 完成之後會係咁。留意，相嘅左下角有粒 Shop 掣。
▲ 就會 Show 到件衫，係邊個網站買到，你可以立即 Shopping。