三款精選 Wi-Fi 7 型號 滿足唔同用家需要
今次參與加購活動嘅指定 Wi-Fi 7 路由器總共有三款，定位相當清晰：
第一款係 Mesh Wi-Fi 入門首選 Deco BE25（2 件裝賣 HK$1,529 / 3 件裝賣 HK$2,199）。佢配備 BE5000 雙頻 Wi-Fi 7 規格，而且支援 2.5G 光纖寬頻。用家可以隨意選擇無線或者有線回程，配合無縫漫遊技術，2 件裝可以輕鬆覆蓋細單位至中型單位，而 3 件裝就啱晒中型甚至係大單位嘅住戶，保證全屋睇波都唔會出現網絡死角。
第二款就係針對追求極速網絡用家嘅 Archer BE600 三頻 Wi-Fi 7 路由器（建議零售價 HK$1,999）。呢款型號支援高達 10G 光纖寬頻，規格去到 BE9700。機身配備 5 個 LAN Port 同 1 個 USB 3.0 連接埠。另外，佢亦支援 EasyMesh 技術，可以隨時同其他 Archer 路由器或者訊號延伸器配對，擴充網絡覆蓋，啱晒追求實線連接、有多部裝置同時上網嘅用家。
智能守護者：Tapo C200C 買 Router 即可 $1 帶走
用家只要買咗上面提到嘅 Router，加 $1 就可以帶走嘅 Tapo C200C 智能攝影機，非常啱有養寵物、有小朋友或長者嘅家庭。呢部攝影機配備 1080P HD 畫質以及夜視功能，仲可以做水平同垂直旋轉，做到 360° 水平高視野覆蓋。機身內置三大 AI 偵測通知，包括移動偵測、人體偵測，以及好實用嘅嬰兒哭聲偵測。配合內置嘅麥克風同揚聲器，用家可以隨時同屋企人或者寵物進行雙向語音對話。
實體店與網店同步開鑼 認準活動海報
今次優惠幾乎覆蓋全港，由港島灣仔、九龍深水埗（黃金/高登電腦城）、旺角、觀塘，到新界沙田、大埔、荃灣、屯門、元朗，甚至東涌等實體特約商戶都有參與。如果想足不出戶，百老匯、偉倫電腦、友和、E-Shop、HKTVmall 還有 CLUB SHOPPING 等各大連鎖及網店亦有提供此項優惠。用家喺買機時，記得留意鋪頭有無貼出呢個優惠嘅海報。每款指定產品都可以享有 $1 加購優惠一次，例如買兩套指定 Router 就可以加購兩部 Tapo C200C。不過要注意，加購優惠一定要喺同一間鋪頭即場辦理，無得之後跨店或者補領，而且產品數量有限，賣完即止。