三星 7 月 22 日發佈會 不但有摺機 Galaxy Fold8 AI 化 Galaxy Watch 新系列亦同步登場

左定坤 (Cho Ting Kwan) 2026-07-14 13:43 | 科技新知

Samsung 已經確定會喺 2026 年 7 月 22 日舉行全新一屆嘅 Unpacked 產品發佈會。今次發佈會嘅焦點除咗落在三款全新摺疊螢幕手機，特別係擁有全新設計形態嘅 Galaxy Fold8 之外，官方最新透露嘅預熱消息亦將目光投向全新一代嘅 Galaxy Watch 系列。新錶將會全面引入更深層次嘅 AI 智能體驗。

Galaxy Watch 也升級

今次 Samsung Unpacked 發佈會定檔於 7 月 22 日，市場最關注嘅莫過於摺疊螢幕手機嘅最新突破。消息指今次發佈會將會一口氣推出三款全新摺機，其中最受矚目嘅 Galaxy Fold8 據聞會採用全新嘅外觀形態，突破以往摺機嘅設計框框。雖然呢部旗艦摺機無疑係今次發佈會嘅最大主角，但除咗手機之外，隨身配戴嘅穿戴式裝置亦同樣有重大升級。

AI 技術無縫融入日常生活

根據 Samsung 最新公佈嘅預熱資料，隨住 AI 技術逐漸變成日常生活中不可或缺嘅部分，流動裝置已經成為解鎖 AI 無限潛能嘅第一道關口。而點樣將 AI 技術無縫、直觀融入日常生活，並提供真正實用嘅協助，就係今次新一代穿戴式裝置嘅核心方向。而當中 Galaxy Watch 就扮演住至關重要嘅角色。

健康生活新境界

新一代 Galaxy Watch 唔單止在軟件演算法上有提升，硬件研發方面亦有顯著突破。用家只需要簡單配戴全新 Galaxy Watch，就可以體驗到毫不費力嘅健康生活新境界。新錶會在後台默默運作，等全方位健康管理可以無縫融入用家嘅日常作息。今次新一代 Galaxy Watch 專為提供更持久、更精準嘅健康追蹤而打造，背後全靠全新硬件研發成果，以及顯著提升嘅電池續航力雙重加持。而即將登場嘅新一代產品，在智慧 AI 數據分析嘅進一步提升之下，將會進化為能夠協助用家更好地理解、並即時主動管理自身健康嘅貼身拍檔。透過更精準嘅數據收集同 AI 分析，用家唔再只係睇到冷冰冰嘅數據，而係可以獲得更具建設性同主動性嘅健康建議。