Uber 夥拍新地 11 大商場推夏日優惠 微信小程序搭 Uber Taxi 低至 4 折

左定坤 (Cho Ting Kwan) 2026-08-03 19:14 | 科技新知

Uber 今日宣佈同新鴻基地產旗下商場合作，喺 8 月至 9 月期間推出專為內地訪港旅客而設嘅乘車折扣，只要透過指定手機程式召車，就可以享有專屬車費優惠。

Uber ＋新鴻基地產旗下商場聯手

Uber 首次同新鴻基地產旗下商場（新地商場）聯手，喺 2026 年 8 月 3 日至 9 月 6 日期間舉辦「坐 Uber 逛新地商場 尊享夏日雙重禮遇」推廣活動。今次合作將智慧出行同購物消費結合，只要係用 +86 內地電話號碼註冊 Uber 微信小程序嘅用家，喺香港搭 Uber Taxi 最低可以享有 4 折優惠。今次活動涵蓋新鴻基地產喺全港嘅 11 個熱點商場，包括觀塘 apm、西沙 GO PARK、上水廣場、葵芳新都會廣場、新蒲崗 Mikiki、旺角 MOKO 新世紀廣場、沙田新城市廣場、將軍澳中心、荃灣廣場、屯門 V city，同埋元朗 YOHO MALL 形點、YOHO MIX 元點同 YOHO PLUS 加點。優惠主要分做新用家優惠同常客回饋兩款：

點樣用

如果係第一次用 Uber 微信小程序嘅 +86 電話號碼新用家，喺預約行程時將指定 11 個新地商場設為上車點或落車點，系統就會自動套用首程 5 折優惠，最高可以扣減 80 港元。至於已經搭過 Uber 嘅現有微信小程序用家，只要註冊成為新地商場「The Point」會員，喺指定商場嘅「即賺分」參與商戶用電子支付即日累積消費滿 1,000 港元（最多接受兩單金額達 100 港元或以上嘅交易），喺消費當日指定時間內親自去商場換領專櫃，出示發票正本同電子支付存根，就可以換到 Uber Taxi 單程 4 折優惠碼，最高可以扣減 90 港元。今次推廣嘅所有優惠名額有限，先到先得。每位合資格用家喺活動期內只可以享用優惠一次。優惠只適用於香港境內嘅 Uber Taxi 行程，唔適用於「咪錶的士」同「要求 85 折咪錶的士」選項。如果行程產生其他額外費用，需要由用家自行支付。