全線升級 Bluetooth 6.0 配合 Bragi 開發 Defunc AI App
Defunc 今次呢個升級系列，最核心嘅地方係全線產品都升級至最新的 Bluetooth 6.0 規格，令到連線穩定度同低延遲表現都大幅提升。為咗配合新規格，品牌仲搵嚟德利公司 Bragi 開發專用嘅 Defunc AI App，用家可以喺手機 App 入面用 EQ Mode 自行調整聽感取向，仲支援 OpenAI 同 Voicemod 功能，玩法更加豐富。喺環保方面，品牌繼續堅持可持續發展理念，產品包裝全面無塑化，而且部份產品外殼仲特別採用海洋回收再生塑料製造，為環保出一分力。TRUE VIBE 與 TRUE OPEN 耳機同步登場
耳機方面，TRUE VIBE 主打大眾化路線，建議零售價只需要 $189。這款耳機有黑色、白色、藍色同粉紅色四種選擇，特別加入 Low Latency Mode 低延遲模式，平時用嚟打手機遊戲或者追劇都好順暢。規格方面，TRUE VIBE 擁有 IPX-4 防水，配合充電盒嘅總續航時間達到 15 小時，耳機電池係 30 mAh，充電盒就係 200 mAh，經 USB-C 充電大約 1.5 小時就可以充滿。
如果你鍾意聽歌之餘又想留意身邊環境，另一款 TRUE OPEN 夾耳式耳機就採用咗開放式設計，售價係 $429。耳機嘅喇叭位置設計比一般夾耳式耳機更平坦，佩戴時可以更加貼近耳窩，有效減低開放式耳機常見嘅漏音問題。機身配備 Adaptive ENC 單麥克風降噪，支援 USB-C 同無線充電。耳機有 IPX-4 防水，總續航時間更長達 21 小時，內置 50 mAh 耳機電池及 500 mAh 充電盒電池，提供忌廉色、藍色同黑色選擇。
BEAT 5 與 BEAT 15 藍牙喇叭支援 Auracast 串聯廣播
除咗耳機之外，Defunc 亦同步推出 BEAT 5 同 BEAT 15 兩款便攜藍牙喇叭。兩款喇叭最引人注目嘅功能，係支援 Auracast Mode 技術，可以喺唔需要逐部配對嘅情況下，同時將多部支援 Auracast 嘅喇叭連接埋一齊播放同一音源，喺大型戶外活動或者室內聚會使用就最適合不過。BEAT 5 採用細巧嘅掌上型設計，定價 $269，輸出功率有 5W，內置 45mm 4Ω 單元同低音輻射器（Passive Radiator），底部仲有防震墊設計令聲音更穩定。喇叭支援 IPX-7 防水等級，設有光環燈效同 Micro SD 卡槽（最高支援 32GB），用家就算唔連手機都可以直接播歌。內置 1200mAh 電池喺 60% 音量下可以連續播放 5 至 6 小時。
至於機身大少許嘅 BEAT 15 輸出功率就達到 15W，售價係 $429。機身採用雙主動單元配雙被動低音輻射板，左右兩邊配備 4 段光環燈效。BEAT 15 同樣有 IPX-7 防水、Micro SD 卡槽以及免提通話錄音功能。內置 7.4V / 1300mAh 電池，提供 5 至 6 小時播放時間，充電需要 3 至 4 小時。BEAT 5 同 BEAT 15 同樣提供忌廉色、藍色同黑色三款配色。
