2026 CES 創新大獎
BodyScan 2 攞咗 2026 CES 創新大獎，將平時嘅量度體重提升到另一個層次。產品整合全新嘅「健壽智慧 Longevity Intelligence」系統，可以深入分析超過 60 項生物標記，比起上一代新增咗 20 幾項關鍵數據，等用家足不出戶就可以睇到心血管同代謝方面嘅評估報告。
六大專屬測量功能 涵蓋心血管與神經指標
喺硬件同感應技術方面，BodyScan 2 用咗高級鋁合金底盤同寬闊嘅 ITO 平台，最高承重達到 200 公斤，仲配備可伸縮嘅 2 合 1 觸控電極手柄。機身平台內置 8 個嵌入式 ITO 電極，配合手柄入面 4 個不鏽鋼電極，提供六大核心測量功能● 6 分區身體成分分析：採用超高頻 800kHz BIS（生物電阻抗）技術穿透細胞膜，精確分開四肢嘅脂肪同肌肉比例，仲可以量度內臟脂肪、細胞內液、細胞外液同骨骼肌。另外提供 Body Profile 16 區間體型分析，包埋骨骼肌分數（SMI）同脂肪質量指數（FMI）。
● 心臟年齡評估：配合 Withings+ 服務，透過胸腔阻抗變化檢測心臟實際泵出幾多血液，評估心肌機械工作能力同心血管活力。
● 血管年齡監測：專門測量四肢血管喺血液流過嗰陣嘅體積變化，推算脈搏波傳導速度（PWV）同血管硬化程度。
● 心房顫動檢測：捕捉微電訊號，用嚟檢查心跳節奏係咪穩定，評估心律不整或者心房顫動嘅風險。
● 神經健康與血糖適應力：透過微弱電流刺激手腳汗腺，測試末梢自主神經對血糖波動嘅敏感度。當中汗腺神經反應係基本功能，而血糖適應力就需要配合 Withings+ 使用。
● SpO2 血氧飽和度及心率：用光學技術穿透皮膚量度微血管血流變化，分析血液中嘅氧氣濃度同日常心率。
配合 Withings+ AI 助手 提供個人化建議
除咗硬件感應之外，BodyScan 2 亦都深度結合 Withings+ AI 健康助手服務。呢個訂閱服務可以解讀各項生理數據，用家仲可以獲得由心臟科醫生審閱嘅心電圖報告。系統設有獨家嘅「長壽分數」功能，配合心臟年齡等長期數據，幫用家建立更全面嘅健康習慣。另外，系統入面嘅 BodyPath 功能可以根據體脂同肌肉變化趨勢計算卡路里盈虧，再結合運動、睡眠同飲食紀錄，將數據轉化為圖像化嘅目標路徑，提供預計達成日期同每日行動建議。