WATCH GT 7 系列升級健康管理 Pro 版本加入心血管與高血糖風險評估
HUAWEI WATCH GT 7 系列繼續以長續航力作為賣點，電池使用時間最高可達 21 日。健康監察方面，手錶加入全新健康洞察功能，每日會向用家提供健康晨報、個人化身體狀態準備度評分，以及透過 AI 解讀各項健康指標，方便用家掌握每日身體恢復進度。高階型號 HUAWEI WATCH GT 7 Pro 喺健康監測規格上進一步擴展，加入心血管健康評估同埋高血糖風險評估功能，為用家提供更具針對性嘅生理數據參考。
首發易扣氟橡膠錶帶 運動模式加入室內滑雪與單車安全警示
運動功能層面上，HUAWEI WATCH GT 7 系列首次採用 HUAWEI EasyCross 易扣氟橡膠錶帶設計，加強配戴時嘅穩固度同舒適感。系統亦同步更新運動偵測模式，新增室內滑雪模式，可以量度滑雪距離、速度同埋下降高度數值；升級後嘅單車模式就加入爬坡規劃同埋急彎提醒功能，有助提升戶外踩車時嘅安全性。用家喺完成訓練之後，系統內建嘅 AI 運動解讀功能會詳細分析運動成效與當前身體狀態，並且為下一次訓練提供建議。
FreeBuds Neo 採用 4.8 g 輕量化短柄 配備第 3 代晶片與主動降噪
同步登場嘅真無線耳機 HUAWEI FreeBuds Neo 採用短柄外觀設計，耳機連同充電盒整體重量為 41 g，單邊耳機重量約 4.8 g。規格方面，耳機配備 HUAWEI 第 3 代音訊晶片，採用雙通道主動降噪架構，原廠數據顯示全頻平均降噪深度達到 30 dB。音質表現方面，FreeBuds Neo 採用全新 Turbo 驅動單元，支援 2.3 Mbps 無損傳輸規格，並具備 48 kHz / 24 bit 音質解碼能力。
售價方面，HUAWEI WATCH GT 7 標準版定價由 HK$1,888 起，高階 HUAWEI WATCH GT 7 Pro 定價為 HK$2,788；HUAWEI FreeBuds Neo 建議零售價為 HK$798。另外，HUAWEI 官方網店於 10 月 1 日至 10 月 7 日推出黃金周推廣，購物提供 3 倍積分、指定產品最高 5 倍積分，消費滿 HK$8,888 可獲贈價值 HK$2,099 嘅 HUAWEI WATCH GT 5（托帕藍）換領券乙張。