呢款新一代 HomePod mini 內置左 Apple S10 晶片同埋先進運算音訊，可以實時分析音樂，自動將動態範圍同聲學表現調到最佳狀態。無論係用單一揚聲器、立體聲喇叭組合，定係多室音響，用家都可以享受到 360 度嘅豐富音效。如果配合全新 Apple TV 4K，HomePod mini 仲支援四揚聲器環迴立體聲，打造出更具臨場感嘅家庭影院。除此之外，呢款產品亦都可以作為 Mac 嘅預設揚聲器，無論睇戲、打機定係開 FaceTime，音訊表現都更加廣闊。
功能方面，新一代 HomePod mini 加入左「聲音光暈」，頂部會變成視覺畫布，跟住音樂同步發光同閃爍。喺智能家居方面，用家只要發出語音指令，就可以輕鬆控制各種已連接嘅配件。產品同時具備「聲音識別」功能，如果偵測到煙霧或者一氧化碳警報，就會即刻透過 iPhone、iPad 同 Apple Watch 向用家發送通知。全新 HomePod mini 提供粉紅色、綠色、藍色、白色同午夜暗色五種顏色，售價係 $1099 ，即日起喺香港接受預訂，並會喺 10 月 30 日正式發售。
