三段角度鏡頭 支援 3K 60fps HDR
Rover 嘅鏡頭可以手動調較傾角，有 -10°、0° 同 15° 三個選擇，配合公路單車低頭騎行、日常跑步同行山時唔同嘅頭部姿態同視線方向。眼鏡支援 3K 60fps HDR 影片錄製，視角闊 120°，並配備針對運動場景設計嘅 EIS 電子防震，希望喺高速移動或者崎嶇山徑上都保持畫面穩定。產品亦支援 16:9 同 9:16 畫面比例切換、循環錄影同超級夜景模式，方便用家按拍攝需要或者社交平台格式選擇。
▲ 發佈會現場，嘉賓試戴 BleeqUp Rover。
▲ BleeqUp Rover 現場展示，背後展板列出 3K 60FPS HDR Video、AI Sports Safety Alerts、AI Sports Assistant、AI Video Roadbook 等功能。
▲ 眼鏡正面，鏡框中央位置設有鏡頭。
▲ 眼鏡側面，鏡腳外側印有 BleeqUp 標誌。
▲ 眼鏡內側，可見鼻墊位置及鏡腳內側標示。
AI 剪輯同影片路書
Rover 內置 AI 運動助手，主要有三項功能：「AI 智慧精華片段」會自動捕捉運動期間嘅高光時刻。「AI 一鍵剪輯」會將零散素材轉做短片。「AI 影片路書（Video Roadbook）」則會記錄運動軌跡同拍攝片段，將成段路程整理成有故事性嘅影片。有咗一鍵剪輯，用家做完運動，即刻可以將精華片段變成短片並發佈，慳返後期製作時間。羅亮添則指，第一人稱視角錄影令佢可以更準確咁重溫同分析動作細節，對提升訓練效能有幫助。開放式音訊 時速 35 公里騎行下可通話
眼鏡採用開放式氣傳導耳機技術，配備 2 個揚聲器同 5 個麥克風陣列。雙耳唔會被堵住，用家聽音樂嘅同時，仍然聽到周圍嘅交通同環境聲音。風噪抑制設計可以令時速 35 公里騎行時嘅語音通話，以及無距離限制嘅即時對講保持清晰，用家亦可以同隊友建立頻道，保持聯絡。硬件規格同續航
鏡框採用 TR90 物料，配可調式鼻墊，鏡片由 ZEISS 蔡司提供，設有 UV400 防護及防反射功能。產品達 IP65 防塵防水等級，新內建 32GB 或 64GB 儲存空間。續航方面，眼鏡本體可連續錄影 1 小時，或者連續播放音訊 8 小時。配合專屬 Power Plus 行動電源使用，最長可延長至 5 小時連續錄影，或 48 小時連續播放音訊。
▲ 鼻樑位置特寫，設有撥動式開關、按鍵及可調式鼻墊。
▲ 鏡腳內側印有「Designed by BleeqUp」，附有開關及接口位置。
▲ 鏡腳內側設有按鍵及揚聲器開孔。
▲ 鏡腳另一位置特寫，可見按鍵、麥克風孔及揚聲器開孔。
▲ 鏡腳外側的 BleeqUp 標誌特寫。
售價及優惠
由即日起，喺指定豐澤 TechLife 門市選購 BleeqUp Rover 運動智能眼鏡，首 30 名顧客可獲贈變色鏡片一副，兩款配色隨機贈送，數量有限，送完即止。32GB 賣 $3099 ； 賣 64GB 3599
▲ 隨附的黑色小型裝置，印有拍攝及訊號圖示
▲ 行動電源背面，標示 BleeqUp Ranger Power Plus、容量 1600mAh、4.5Wh。