呢部 MUO 揚聲器係由 KEF 聯同英國設計大師 Ross Lovegrove 合作製造嘅揚聲器，其外型繼承左 Muon 嘅風格，擁有獨特嘅線條設計以及時尚的鋁金屬機身，底部配備彎曲形狀嘅軟墊，配合優質嘅材料以及高品質嘅結構，可以增強佢嘅防震功能。
MUO 嘅重量只有 800 克，配備了 2 個全新開發嘅迷你 Uni-Q同軸共點單元同埋一個低音反射單元，利用無限元素分析技術，可以幫助 MUO 將精確嘅聲音傳偏房間中每一個角落，而佢高低音嘅音域闊度亦能夠超越任何一款同類型產品。另外 MUO 亦內置感應器，能夠因應揚聲器嘅擺放位置自動優化聲音輸出，無論打橫定打直放，都可以將；佢嘅聲音清晰呈現。係咪真係咁勁咁有把握? 真係要試過先知!
MUO 亦支援多種接駁方法，例如藍芽、NFC等。除左一般無線接駁之外， MUO 亦設有「Dual-Connection」派對模式，方便你喺大型聚會嘅時候可以喺兩部 MUO 上同步播放。另外，MUO 亦設有 3.5mm aux 輸入，方便你能夠用線接駁大部份嘅器材。續航能力方面，MUO 嘅備用時間為 12 小時，需要 3 小時時間才能夠將部 MUO 叉滿電。
▲ 一共有五種顏色。
唔知大家聽完上面對於 MUO 嘅介紹，係咪好想知道到底呢部野賣幾錢呢? 呢部 MUO 無線揚聲器嘅建議零售價為 HK $2880，有香檳金、海王藍、暴風灰、落日橙以及光澤銀五種顏色供你選擇，想買呢部 MUO 嘅朋友真係萬勿錯過呀!