主打「激薄」鋁合金邊框，用上 LG 面板
今次小米電視 3 可以看到重點之一就係質量上再有所進步，首先雷軍提到為左滿足市場的需求，所以今次小米電視 3 來到了 60 吋大。係外型上小米電視 3 用上左全金屬機身，而係邊框方面就用左鑽石紋理的鋁合金，而係厚度方面，小米也強調小米電視 3 最薄的部份只有 11.6mm ，而最厚的部份就係 36.7mm 。係屏幕質素方面就用左 4K 解像度的原裝 LG 屏幕。同時係技術上，雷軍特意強調小米電視 3 用上左頂級規格電視才會加入的 「 MEMC 運動補償」，可以消除運動畫面時「拖尾」的情況。除左係畫面上有 4K 解像度作賣點外，係音效方面小米電視 3 都有獨立音響系統，當中一共有 6 個喇叭，能做到低頻低至 60HZ 而高頻就去到 22KHz ，音腔體積都大左 67% 。
▲ 今次係屏幕上，小米電視 3 主打之一就係用左 LG 的 4K 解像度屏幕。
次世代＝分體式？小米電視 3 屏幕跟主機分開了
上面提到小米電視 3 有一組獨立音響，其實當中暗藏另一賣點。小米提到今次小米電視 3 之所以叫做「次世代」產品，係因為今次電視係設計上用左「分體式」設計。同一般電視不同，小米電視 3 的電視主機面板因為體積少左一倍的關系，所以可以將電視的主機方獨立音響上。用家只需要用一條「米線」就可以連接電視屏幕同主機，小米強調這樣的設計除左令電視更簡單外，放在家中也會更美觀。更重要係因為電視主機 18 個月就可能要換，而將屏幕同主機分開後，用家換機時的成本就會更低了。
▲ 小米電視 3 用左「分體式設計」，而呢個電視主機一樣可以獨立賣。
係價錢方面，雷軍不斷強調小米今次係「厚道」以及「毫不遜色」的價錢，定價 $4999 約為港幣 $6103 左右。不知大家又覺得小米用左三年時間準備的 4K 大電視係價錢上有沒有吸引力呢？大家都留言講講吧！
▲ 價錢方面，小米電視 3 定價係 4999 人仔。