nowTV 免費版 ViuTV 搶先睇! 多套節目獨家追播! 並配上繁中字幕!
|
數碼影音
打開呢個名為 Viu 嘅手機 App,按入「分類」,你會見到目前會有八個類別,當中包括獨家追播、韓劇、日劇、日本動畫、中台劇等等,當中嘅追播功能包括了蒙面歌王、錐子(韓劇) 等節目。官方透露,呢類嘅獨家追播節目,出街之後最快 8 個鐘就可以為佢地配上繁體中文字幕,相當有效率。
▲ 你可以看到有以上八種分類,包括獨家追播、韓劇、韓國綜藝等。
▲ 《錐子》最新一集的擷圖,你可以看到已經配上了繁體中文字幕。
ViuTV 亦在劇集方面加入一些與別不同嘅功能,例如在部份劇集嘅內容會加入一些註解,讓觀眾可以了解更多相關資訊。例如 D-Day 第 12 集入面有提及過「敗血病」呢種病,咁你就會見到有註釋解釋俾你聽咩野叫做敗血病,讓你可以認識更多。
不過同 myTV 以及其他網上睇片平台如 PPS 一樣,每次播放嘅時候都會彈出廣告,呢點係版主睇片嘅時候最唔想發生嘅野,相信都有唔少人會有相同感覺。如果可以好似 YouTube 呢種幾秒之後就可以跳過廣告,版主就會覺得好好多。你又點睇?
App 下載資訊
◎ App 名稱:Viu
◎ 系統需求:iOS 8.0 以上 / Android 4.0 以上
◎ 下載方式:免費 iTunes Store(香港帳號)/ Google Play