為滿足不同用家的需要，Jabra 特別採用左超強韌物料及 IP54 防水、防塵、防震設計，令機身更堅固耐用，就算唔小心跌左隻耳機落地，都可以減輕撞擊對佢嘅傷害。而 Jabra 的耳勾符合人體工學，而且專為工程人員而設，就算平時工作要爬高爬低，甚至倒吊，佢都唔會咁容易掉落。Jabra 的機身尺吋只有 25.5 x 15.4 x 71.5 mm，比較輕巧，即使長時間使用都能夠保有一定的舒適度。
講完外觀，當然就要講下佢嘅功能方面。咁頭先都多次提及過，Jabra Steel 係一款專為工程人員而設的耳機，在工地上有時難免會相當嘈吵，因此 Jabra Steel 採用了噪音消除技術，能夠過濾背景雜音，配合 HD Voice 高清語音技術，令用家在任何環境都能夠清晰地通話。另外，Jabra Steel 有個特大按鈕，只要輕觸就能啟動 Siri 或者 Google Now，就算手機在褲袋入面或者戴住手套，都可以處理有啲簡單的日常工作。至於續航能力方面，Jabra Steel 採用左 MicroPower 微功率技術，令電池體積更少之餘，同時亦提升電池效率，配合 Power Nap 省電技術，充電後通話時間可長達 6 小時。
▲ Jabra Steel 的外觀。
售價方面，Jabra Steel 的建議零售價為 HK $899，現於各大特約零售商公開發售。唔知對於平時需要在工地工作的你，會唔會對呢款體積小、具備「三防」、又清晰的藍牙耳機有興趣呢? 會唔會打算都買番隻試下好唔好用呢?