對比起 Apple Music，版主虎仔有唔少朋友都傾向使用 Spotify，現在 Spotify 將家庭分享計劃月費和 Apple Music 睇齊，比舊計劃更加吸引。Spotify 的家庭共享 Premium 計劃，只需 HK$78 月費就能夠有最多 6 個單獨的私人帳號，每個帳號都屬於正常版的 Premium 帳號，除了能夠無限離線收聽無廣告的音樂，亦能夠獨立儲存自己的音樂、播放清單和建議。若果搵到 6 位朋友或家人分享，每人的每月支出只需 HK$13。不過情侶二人分享，除開每人只需 HK$39，比個人帳號 HK$48 月費抵，但就比 2 人舊計劃的 HK$72 月費貴咗 HK$6。
當然 Spotify 的全新家庭共享 Premium 計劃亦有唔方便之處，因為帳單由一個人負責找數，一班朋友夾份的話就要擔心有人走數，或者要考慮如何將 13 蚊每月交俾對方。不過咁著數，少少麻煩都無所謂啦！
資料來源：Spotify