小米會在 11 月 10 日推出小米盒子國際版。先講講 Spec，它採用 Android TV 6.0平台，支援最高 4K 60FPS 輸出，只要插上電視，用 WiFi 駁上網就用到 (無 LAN 頭架)。跟機已有一支藍牙遙控器，由於 Android TV 設計給電視使用，遙控器本身已夠操作。Android TV 平台，有點似 Android 手機平台，你會見到好多見熟見慣嘅 App，如 YouTube、Google Play Movie、Google Play Music，係呢部合法嘅小米盒子，就 Preload 晒，Login Google 戶口，就用得到。此外，佢內置左 Play Store。但 Android TV 嘅 Play Store 唔係全部 Android Apps 都有，最主要有遊戲與專為 Android TV 而設嘅 App。要 search 嘅話，對住搖控廣東話出聲叫 google 幫你就可以。
小米也開放讓用戶透過 USB 隨身碟的方式自行安裝 apk，你可以自行裝番大陸視頻 App。小米盒子有一姐 USB，你可以透過此插入 Keyboard、Mouse，當然用藍牙也無所謂。此外，國際版小米盒子支援 Google Cast 功能將手機上的影片無線傳輸到小米盒子上觀看；此外它也支援杜比 Digital Plus、DTS 環繞聲以及 HDR 內容，搭配藍牙遙控器，手掣 (另外買），方便打機。
而雖然因為版權關係，小米盒子國際版並沒有內建像中國版一樣多的影片網站內容，小米盒子中內建 KKBox 以及 ViKi 平台，聽歌、睇片都得，後者係乜？係中國大陸視頻 App，有好多中國大陸電視劇及電影。買盒送一個月免費，之後？俾錢吧! KKBox 月費 $48，ViKi 月費 $38。你肯？
▲ 小米盒子國際版：HK$499 賣價，包括了盒子一個及遙控器。
▲ 小米盒子國際版，跟版主手掌比較大細，但唔算好大。
▲ 小米盒子，英文版叫 MI Box。
▲ 小米盒子嘅遙控，跟小米電視機是一樣的。
▲ 遙控採用 CR2032 電池。
▲ 小米盒子國際版無 LAN 頭，一定要透過 WiFi 駁上 Internet，但有 Standard USB 埠。
▲ 要打機嘅話，就要加多一個藍牙 controller，小米版本賣 $129。
▲ Android TV 6.0 版本。
▲ 已內建 Google Playstore，但只有 Android TV 支援到嘅 App，其他 App，你照用 APK 啦。
▲ 跟機已送了一個月 KKBox，而 KKBox 亦有 Andriod TV 介面了。
▲ 另一個 Viki TV 係大陸視頻 App，但合法內容只有陸劇及中國大陸電影。