說的是衛訊,即日起推出超筍 Trade in 優惠,只要拎任何耳機—— 無錯,佢係寫明「任何耳機」,無限定有線定無線,去衛訊 Trade in 並購買三星 Galaxy Buds2 真無線降噪耳機,就可以享有即減 $500 優惠,由 $1298 減至 $798。咁如果佢任何耳機都得,咁其實好多人屋企都有好多耳機,求其拎隻無乜再用嘅耳機去 Trade in 都得啦,係咪好簡單先。
咁你可能會問,$798 買三星 Galaxy Buds2 係唔係平呢?以大舖價錢嚟講,都係叫平價抵玩。但如果比較細舖價錢,就其實兩者差不多。不過,去衛訊呢啲大舖買,始終都係會安心啲,唔單止唔使擔心保養問題,而且有乜唔識,都可以返落大舖,有店員好有耐性咁,提供唔少支援。畀我揀,差不多價錢我都會去大舖入手,你又會唔會買返對做聖誕禮物呢?
(補充:SmarTone 網店都做緊限時優惠,即日起至 12 月 20 日,只需 $698 就買得到,比起衛訊更平,不過限量 40 部,在文章撰寫時只剩下黑、紫兩色)