簡單一個步驟!$798 立即入手三星 Galaxy Buds2 真無線降噪耳機

左定坤 (Cho Ting Kwan) 2021-12-15 18:54 | 數碼影音
有一單優惠消息,版主我本來都有猶豫過,同唔同大家分享好,但諗諗下,其實都真係抵,就算網友未必一定會買,但我覺得都應該分享!好簡單,只要你做一個動作,就可以 $798 入手三星 Galaxy Buds2 真無線降噪耳機。而呢個動作,真係超級簡單,想知點做到,睇下文啦!

說的是衛訊,即日起推出超筍 Trade in 優惠,只要拎任何耳機—— 無錯,佢係寫明「任何耳機」,無限定有線定無線,去衛訊 Trade in 並購買三星 Galaxy Buds2 真無線降噪耳機,就可以享有即減 $500 優惠,由 $1298 減至 $798。咁如果佢任何耳機都得,咁其實好多人屋企都有好多耳機,求其拎隻無乜再用嘅耳機去 Trade in 都得啦,係咪好簡單先。

咁你可能會問,$798 買三星 Galaxy Buds2 係唔係平呢?以大舖價錢嚟講,都係叫平價抵玩。但如果比較細舖價錢,就其實兩者差不多。不過,去衛訊呢啲大舖買,始終都係會安心啲,唔單止唔使擔心保養問題,而且有乜唔識,都可以返落大舖,有店員好有耐性咁,提供唔少支援。畀我揀,差不多價錢我都會去大舖入手,你又會唔會買返對做聖誕禮物呢?

(補充:SmarTone 網店都做緊限時優惠,即日起至 12 月 20 日,只需 $698 就買得到,比起衛訊更平,不過限量 40 部,在文章撰寫時只剩下黑、紫兩色)
 

最新新聞