二千頭入手 50 吋 QLED 電視！38 折清貨，大舖呢個價係咪超抵玩？

左定坤 (Cho Ting Kwan) 2025-10-20 18:47 | 數碼影音

唔理你平時多唔多睇電視，但家家戶戶好多時點都會有部電視機，而最近電視市場又有減價潮，唔少大舖都推出勁減優惠，好似今次介紹嘅優惠，二千頭入手一部 50 吋 QLED 電視，計返折扣即係 38 折，性價比相當高。想知詳情，睇下文啦！



說的是 SKYWORTH 50SUE8100，呢個優惠嚟自香港蘇寧，即日起喺門店或者網店就可以 $2,299 入手 SKYWORTH 50SUE8100 50 吋超高清智能 QLED 電視，呢部電視建議零售價 $5,980，計落係 38 折，慳咗超過三千蚊！呢個價位喺大舖嚟講，絕對係近期一個抵玩選擇，尤其係考慮到 QLED 技術本來就唔平，依家二千頭就搞掂，適合想換大尺寸電視但預算有限嘅用家。

講到 SKYWORTH 50SUE8100 嘅特點，首先係內置 Android 操作系統，支援 Google TV、YouTube、Netflix 等熱門平台，直頭一機在手，追劇睇片超方便。仲有 Flicker Free 護眼技術，長時間睇電視都唔怕眼累，提供更舒適嘅觀賞體驗，尤其適合有小朋友或者長者嘅家庭。另外，配備 HDR10 加上 SKYWORTH 自家 AI 引擎 Chameleon Extreme 2.0，能夠細緻呈現亮度、色彩同超高清畫質，無論係睇電影定打機，都能享受到豐富層次感嘅視覺效果。