誇張過萬 Nits 亮度！TCL X11L 至尊旗艦 SQD-Mini LED
一講到今次體驗活動嘅「大佬」，一定係呢部 TCL X11L 至尊旗艦 SQD-Mini LED 電視。版主現場睇過，畫面真係嘩一聲！佢用咗 Super QLED 同 WHVA 2.0 Ultra Panel，廠方表示可以做到 100% BT.2020 全場景廣色域。不過最癡線嘅係，佢 98 吋型號竟然具備高達 20,736 個精準控光分區，峰值亮度直飆去到 HDR 10000nits！你無睇錯，係一萬 nits 啊！平時睇啲高對比度嘅畫面，暗位夠深邃之餘，光位真係實淨到爆。外觀方面都好有睇頭，98 吋機身厚度竟然只有 2cm，配合「ZeroBorder」近乎無黑邊設計同獨家 Micro-OD 螢幕技術，掛喺牆直頭似件藝術品。打機迷都唔使驚，部機有 144Hz 原生刷新率，仲有丹麥皇室御用品牌 Bang & Olufsen (B&O) 專業調音，加上 TSR AiPQ 影像處理器，聲畫表現都係頂級。
極致無邊框體驗：TCL C8L SQD-Mini LED
如果覺得 X11L 太過遙不可及，同場仲有另一款高階選擇 TCL C8L 系列。同樣係搭載 SQD-Mini LED 技術同做到 100% BT.2020 色域。雖然亮度無一萬咁誇張，但係佢 98 吋或者 85 吋型號嘅峰值亮度都高達 HDR 6000nits，其實放喺屋企已經非常夠照有凸！佢主打「無界之最」，極致無邊框設計令視線更加集中喺畫面本身，加上一樣有 B&O 音響加持，屋企變戲院完全無難度。
業界領先技術：RM7L 煥彩 RGB-Mini LED
除咗 SQD-Mini LED，TCL 今次仲帶嚟咗全新嘅 RM7L 煥彩 RGB-Mini LED 電視。呢部機主打 120bits 精準光源色彩控制，75 吋型號最高配備 2,160 個 RGB 精準控光色彩分區，大幅提升色彩純淨度。佢同樣內置 TSR AiPQ 影像處理器智能優化畫面，配備 144Hz 原生刷新率，睇高速動態畫面或者打次世代 Game 都一樣順滑無殘影。櫻花樹下打卡兼打機！「全色域 ‧ 競花祭」活動詳情
講返個體驗館，百老滙個場地除咗有沉浸式賞櫻區域畀網友打卡扮去咗日本之外，仲特設咗電競體驗區同互動遊戲區，畀大家親身試吓用 TCL 2026 最新電視打機有幾爽。活動詳情：
日期： 即日起至 2026 年 4 月 2 日
地點： 旺角西洋菜南街 28 號百老滙分店
各位網友如果出開旺角，不妨落去行轉，親身睇吓過萬 nits 嘅電視畫面到底有幾震撼啦！大家對 TCL 今次呢幾部 2026 旗艦機又有咩評價呢？過萬 nits 亮度又吸唔吸引到你？