$2,299 入手 AirPods Max 耳機
講性價比蘋果嘅 AirPods Max 可以話勁低，但講外觀設計同識別度就真係高。唔少評論都會話呢款耳機表現 ok，但唔值呢個價，但如果半價又值唔值呢？近排有網店做緊半價清貨，有興趣就睇下啦！
講緊嘅係 csl 網店，佢哋目前為 2024 版嘅 Apple AirPods Max 做緊特價，由原價 $4,599 減到 $2,299，減幅達 $2,300，目前黑、藍、橙色仲有貨。產品減價係因為今年三月已推出咗新一代嘅 AirPods Max 2，不過兩代外型分別不大，功能上的分別為二代採用 H2 晶片，提供 1.5 倍降噪效果、以及適應性音訊和支援即時翻譯功能。如果你不需要二代的功能，只被外型吸引的話，$2,299 入手算是合理。
▲網店連結
2024 版 AirPods Max，外形及核心硬件大致沿用 2020 年版本，主要改動是將 Lightning 充電接口換成 USB-C，並加入午夜色、星光色、藍色、紫色及橙色五款配色。產品採用蘋果自家動圈單元，每邊耳罩均配備 H1 晶片，提供主動消噪、通透模式、適應性等化，以及支援動態頭部追蹤的個人化空間音訊。耳機設有九個咪高峰，其中八個用於主動消噪，並透過 Digital Crown 數碼旋鈕控制音量、播放及接聽電話。
續航力方面，開啟主動消噪後最長可連續播放約 20 小時，充電 5 分鐘則可使用約 1.5 小時，重量為 386.2g。2025 年軟件更新後，2024 USB-C 版本更加入最高 24-bit/48kHz 無損壓縮音訊及超低延遲音訊，但需要透過 USB-C 有線連接使用，令這款更新幅度不算大的 AirPods Max 增加實際功能優勢。
更多 AirPods Max 介紹可以按這裡