Acer 筆電 28 折起開倉清貨!二千蚊有找八代 i5 文書機
|
電腦硬件
友和今次開倉活動,居然唔係網上搞,而係去長沙灣旗艦店搞,又好似無限制人數,唔通佢哋唔驚爆發新一個群組咩? 不過,為咗着數,相信仍有唔少人會冒險去睇下有乜啱,所以唯有大家去嘅時候,戴好啲口罩,多啲用消毒洗手液清潔,有啲嘢避到就盡避啦。
入返正題,開倉活動係由聽日後日兩日,即係 19-20 日,地點係長沙灣東京街 12 號麗閣商場 1-2 樓,當中包括有原廠翻新機同埋 Open Box 機,當中嘅原廠翻新機就無保養,而 Open Box 機就由廠方或代理提供 6 個月香港本地保養和維修。
至於有咩機賣,友和喺網上已經公佈咗,當中 $2000 唔使買到八代 i5 筆電,好似都算唔錯,但至於新舊程度如何,就要睇過實物先知了。
按這裡查看有乜開倉筆電產品啦