限時三日 開倉清貨!HP 反芒 i7 筆電陳列 低至 4 折入手

左定坤 (Cho Ting Kwan) 2022-01-11 13:49 | 電腦硬件
好多朋友去到豐澤特賣場,都唔係去睇有乜手機平賣,而係睇有無乜抵玩陳列筆電,因為筆電一般相對新淨啲,而且有時有啲電腦感覺更抵玩。雖然最近暫時未有豐澤特賣場,不過電腦品牌 HP,今個星期限時三日,會喺九龍灣舉行開倉優惠,將一系列筆電陳列產品減價清貨,其中反芒 i7 筆電,低至 4 折入手,又能唔能夠吸引到網友入手呢?
 
日期:2022 年 1 月 13 日至 1 月 15 日 (星期四至星期六)
時間:11:00 - 19:00
地點:九龍灣宏開道 16 號德福大廈 14 樓 1402 室 (地鐵站 A 出口)

以上就係 HP 筆電開倉嘅時間、地點詳情,而喺佢哋官網入面嘅宣傳海報中,都有同大家分享到底有乜筆電優惠,其中折扣最多嘅,係 HP ENVY x360 15 ed 1006TU 筆電,佢係一部陳列品,由建議零售價嘅 $14999 減至 $5999,折扣低至 4 折。而呢部筆電除咗採用 15.6 吋 4K OLED 屏幕,屏幕可以 360 度反芒,仲配備咗 Intel Core i7-1165G7 處理器,內置 16GB DDR4 以及 1TB SSD,支持手寫筆,並預載 Windows 10 Home 作業系統。

若果呢張宣傳海報係所有嘅陳列產品,今次開倉活動最平果部筆電,係 HP 14s dq1040TU 以及 HP 15s-eq1120AU,前者原價賣 $6999,而後者原價賣 $5799,而家兩部陳列都係以 $3299 賣,咁計起上嚟係前者折扣多啲。而呢兩部筆電都係內置 8GB DDR4 以及 512GB SSD,並預載 Windows 10 Home,而規格上方面,最明顯分別係尺寸,一部係 14 吋芒,一部係 15.6 吋芒,睇個型號名相信大家都已經知邊部打邊部。另外,14s 果部就係用上 Intel Core i5-1035G1 處理器,而 15s 則用上 AMD Ryzen 5 4500U 處理器。不過,呢兩部都係 1 月 14 日限定,分別限量 2 部同 3 部。有興趣嘅話,就要 14 日當日,早啲去排隊搶購了!

按這裡了解更多 HP 陳列產品詳情
 

最新新聞