講緊嘅係 csl 網店，佢地目前為 iMac 減價發售，呢款入門版嘅 M4 晶片係 8 核心，由原價 $9,999 減至 $7,999，不過目前只剩綠色同紛紅色；如果想揀其他顏色就要買到 10 核心 M4 晶片嘅版本，藍色同銀色都仲有貨。不過 10 核心版嘅價錢就比較貴，由 $11,499 減至 $9,199，多 2 個核心多付千多元未必值，但如果想要其他顏色機身就無辦法。
Apple iMac 採用 M4 晶片，內置 16GB 記憶體。M4 的神經網絡引擎亦比 M1 最快逾 3 倍，令新 iMac 成為更適合 AI 工作的一體式電腦。跟機的精妙鍵盤、精妙滑鼠，都已改用 USB-C 充電。24 吋 4.5K Retina 屏幕首次加入納米紋理玻璃選項，可降低反光又不失畫質。前置鏡頭升級至 1200 萬像素並支援 Center Stage 與桌上視角功能，配合三咪高風陣列與六揚聲器，視像會議與影音效果全面提升。
新 iMac 配備四個 USB-C（其中包括 Thunderbolt 4），可連接最多兩部 6K 外置屏幕。亦支援 Wi-Fi 6E、藍牙 5.3、Touch ID，並預載 macOS Sequoia，兼容 Apple Intelligence。