華為路由器玩到變藝術品！「日照金山」設計 WiFi 7 Mesh X3 Pro 路由器登場
左定坤 (Cho Ting Kwan)
2025-12-17 16:22
|
電腦硬件
講到路由器，以往大家只會關心收得好唔好、快唔快，樣貌？通常都係黑蚊蚊一個盒收埋算數。不過今次華為就玩到出神入化，新推出嘅 HUAWEI WiFi Mesh X3 Pro，竟然將中國名勝「日照金山」嘅自然奇景融入設計，直接將路由器變成一件家居藝術品，真係未用已經要俾個 Like 佢！想知賣幾錢，睇下文啦！
外觀設計：科技與美學嘅極致融合
今次華為嘅設計團隊真係落足心機。母路由器嘅機身，模仿咗雪山被晨光染成金黃色嘅震撼景象，而且會隨住環境光線變化，展現出唔同嘅明暗光影，擺喺屋企當眼位一啲都唔失禮。最突破嘅係，華為首次應用咗「透明天線技術」。佢哋用微米級工藝，直接喺透明機身物料上蝕刻出精細嘅電路，將原本醜樣嘅天線完全隱形，令成個「雪山」造型一氣呵成，見唔到任何突兀嘅天線部件。而子路由器仲可以當作氛圍夜燈使用，輕拍即可調節明暗，實用又增添情調。
硬件規格：Wi-Fi 7 + 華為 Mesh+ 強勢來襲
當然，一部路由唔可以淨係得個樣。HUAWEI WiFi Mesh X3 Pro 在規格上同樣是頂級配置。它支援最新嘅 Wi-Fi 7 標準，能提供更快速度、更低延遲，以及更強嘅多設備同時處理能力。同時搭載華為自家的 Mesh+ 技術，官方稱能大幅提升穿牆能力與抗干擾性，目標實現全屋無死角覆蓋。它還具備智能天線演算法，可以動態追蹤屋內設備的位置，讓訊號「跟住你走」，保持連接穩定。為了應付高性能帶來的熱量，機身內置了新一代「鯊魚鰭散熱系統」，宣稱能提升散熱效率達70%，確保長時間高負載運作都能保持穩定。
售價與版本：兩款選擇
產品提供兩個版本，方便用家按需要選擇。分別是建議零售價港幣 $1,488 的 HUAWEI WiFi Mesh X3 Pro (淨機版)，以及建議零售價港幣 $2,188 的 HUAWEI WiFi Mesh X3 Pro Suite (套裝版)。套裝版應包含一母一子路由器，最適合複式單位或大面積住宅組建完整的 Mesh 網絡。
