17 毫米極致纖薄，內置電池流動辦公
第一眼望埋去，你真係會以為佢只係一個普通嘅鍵盤。HP EliteBoard G1a 突破咗傳統電腦嘅設計框架，機身厚度竟然只有 17 毫米，重量更加係輕到得 676 克！最把炮嘅地方係，佢雖然係一部「桌面電腦」，但居然支援內置電池！即係話就算你未連接電源，依然可以隨時隨地開機使用，完美實現「帶著鍵盤就能辦公」嘅全新工作方式。以後去開會、去圖書館或者見客，真係只要夾住個 Keyboard，再駁個芒就可以即刻開工，流動性簡直滿分。AMD Ryzen AI 7 PRO 加持，50 TOPS 強大算力
雖然部機縮到得返個鍵盤咁細，但效能絕對無因為咁而妥協。HP EliteBoard G1a 搭載咗頂尖嘅 AMD Ryzen AI 7 PRO 300 處理器，為咗迎接 AI 時代，佢仲具備高達 50 TOPS 嘅本地 AI 算力，無論係處理複雜嘅 AI 運算定係日常繁重工作，都可以輕鬆應付。圖像處理方面，佢亦都配備咗 AMD Radeon 860M 圖像控制卡，確保輸出嘅畫面流暢清晰，真正做到擁有極強大效能，又無需犧牲流動性嘅創新體驗。
創新體驗代價幾多？香港賣價立即睇
將一整部 Next Gen AI PC 縮入一個鍵盤度，呢個創新嘅代價又係幾多呢？HP EliteBoard G1a 嘅香港官方賣價為 HK$25,799。如果大家對呢部外型亮眼嘅「鍵盤電腦」有興趣，想了解更多佢點樣幫你突破效能界限同埋全方位表現，可以按呢度立即入手。
單睇呢個外型同規格，版主真係覺得好有新鮮感，完全顛覆咗以前對電腦嘅認知。大家又覺唔覺得呢個「鍵盤即主機」嘅概念實用呢？二萬五千幾蚊買呢個破格創意同頂尖效能，你又捨唔捨得科水？