99g 超輕設計 主打隨身打機
Xbox Nano 最大特色始終係「細」。官方將產品定位為口袋手掣，長度約 12.9cm、重量 99g，主打隨身攜帶。對比普通 Xbox 手掣，體積明顯細好多，如果平時有用手機、平板或者其他流動裝置打機，出街就唔需要再專登帶一個大型手掣。官方亦特別強調親民價格及輕巧設計，除了普通玩家之外，亦希望適合家庭及年輕玩家使用。例如屋企本身已經有一個手掣，就可以將 Xbox Nano 當成後備手掣，朋友上嚟時直接加入多人遊戲。
售價 $399 現有客戶 $359
Xbox Nano 建議零售價為 HK$399，csl 及網上行為香港獨家零售商，現有客戶優惠價就只需 HK$359。選用指定 csl 或網上行服務計劃亦可以免費獲贈產品，而 The Club 會員就可以用 1,800 Club 積分換購。首批於 csl、HKT Education 網店以及全線門市購買的客戶，仲可以獲贈「Xbox 手掣便攜展示袋」以及《Minecraft Dungeons II》DIY 貼紙，數量有限，送完即止。
銅鑼灣可以先試手感
如果大家想買之前試下實物，csl 由 11 月 4 日開始會在銅鑼灣旗艦店設立 Xbox Nano 體驗專區，之後其他 csl 分店亦會陸續加入體驗區。版主覺得 Xbox Nano 最吸引的地方未必係功能有幾多，而係終於將 Xbox 手掣做到真正可以隨身帶。99g 重量加上口袋尺寸，如果本身經常用手機或者平板打機，又接受到較細的握感，$399 其實幾容易令人想買一個放袋做後備。