想預載先清位 最高要 212GB
今次《GTA 6》容量都相當誇張，Rockstar 表示預載需要預留 最高 212GB 儲存空間，實際大小會視乎主機而有所不同。對 PS5 玩家來講，200GB 以上已經足以食掉相當大部分 SSD 空間，如果本身裝咗幾隻大型遊戲，可能真係要先刪一兩隻騰位；Xbox Series S 用家更加要留意，512GB 版本本身可用空間已經唔算多，最好預載前先睇清楚仲剩幾多位。預載完成之後，遊戲會一直保持鎖定，直至 11 月 19 日正式推出，Rockstar 暫時並沒有提供任何提早遊玩的安排。買盒裝版都冇碟 入面只有下載碼
如果你一向鍾意收藏實體版，今次亦有一點要特別留意。《GTA 6》盒裝版由 11 月 12 日開始推出，不過盒入面並沒有遊戲光碟，而係提供一組數碼下載碼，所以無論買數碼版定實體盒裝版，最後都仍然需要將整隻遊戲下載落主機。平台方面，目前 Rockstar 只公布 PS5 以及 Xbox Series X|S 版本，PC 版暫時仍然未有推出日期。香港玩家最好預早 Download
最高 212GB 始終唔係小數目，就算屋企有高速寬頻，下載都可能需要一段時間。如果已經預購數碼版，最好趁而家先完成預載，唔好等到 11 月 19 日凌晨先開始 Download，到時其他人已經入咗 Vice City，你可能仲望住條進度 Bar。PS5 用家亦可以預先在「設定」>「儲存空間」睇清楚容量，如果唔夠位，可以將暫時唔玩的 PS5 遊戲移到外置 USB 儲存裝置，騰返 SSD 空間。
至於首日更新檔有幾大、不同主機實際畫質同效能表現，以及 GTA Online 之後會點安排，目前仍有不少資料有待 Rockstar 公布。不過至少今次真係可以開始 Download。