版主 Keith 飛了去北京為大家帶來小米平板同小米電視 2 的最新消息，你哋睇咗未？除咗呢 2 件新產品外，原來小米官網仲有一件漏網之魚正式開賣。呢件產品據小米創辦人兼 CEO 雷軍所言，係一次在微博開玩笑之後出現的產品。究竟係咩？跳轉話你知！
[SEP]
眼前見到嘅並非佐治古尼賣廣告嘅 Capsule 膠囊式咖啡機，而係一部「全新概念」的豆漿機 OneCup 隨飲機（點解要叫做 One 呢？），膠囊內的是各式口味的豆漿粉末，用咖啡機一模一樣的方式炮製豆漿。豆漿機的由來源於雷軍有次在微博說要研發一部支援 Wi-Fi 的 Android 豆漿機，於是大陸豆漿機生產商九陽竟然找上門洽談合作。
這部 499 人民幣的豆漿機，有報導形容為延續小米超值產品定位路線、充滿現代感，不過版主虎仔看著同 Apple Magic Trackpad 非常相似的小米路由器 Mini，然後還有 iPhone 5c + iPad mini 的小米平板，再望望這部 Capsule 豆漿機，就認為這部小米有份研發和售賣的 OneCup 似乎係延續他們「參考」外國產品的路線比較啱。網友們同意嗎？
資料來源：mi